Su Casa (已搬遷) 新店位置

话说情人节去咗Su Casa 餐厅食饭，第一次喺石门食西餐，地点唔难揾！石门岀名 #亲子圣地，原来连餐厅都baby friendly 过人！全赖呢度嘅服务配合得好好先有餐安乐饭食下，因为有蜡笔俾小朋友填色等佢乖坐喺度😃而爸爸都唔执输喺度玩数独。咁我就睇下食咩先啦，点咗以下嘅菜式❤️前菜香煎鸭肝配多士香浓嘅鸭肝，我系第一次食鸭肝，感觉好似鹅肝，配上多士一啲都唔油腻！❤️主菜炭烧纽西兰肉眼老公至爱，肉汁多要encore~~配上酱汁成份牛扒劲香！肉质唔擦，比想像中淋同容易食！❤️龙虾汁海鲜配意大利饭老公话呢个好好食，龙虾汁鲜味十足，同海鲜好夹，意大利饭唔硬，煮得恰时。❤️甜品拼盘当然系小朋友最期待嘅环节啦，喜欢甜品而又唔想太甜嘅岩哂啦！老公就叫咗❤️Double express 咖啡而我就叫咗菠萝有机奇亚籽绿茶，饮品好特别而唔系只得一式一样嘅橙汁汽水俾人拣！❤️ #儿童餐入面系胡麻沙律、茄汁粟米鸡粒意粉、鱼形鱼饼配上橙汁块鱼形鱼饼大块到呢😍食得好滋味最后仲有扭蛋玩，真系好岩小朋友黎喔！