L'AMOUR

今日嚟到大埔试吓法国菜 舖头门口有部钢琴好有艺术色彩 入边装修都好华丽，可能临近情人节入边有好多玫瑰花嘅装饰！我哋一人嗌咗一个set lunch除此之外，仲嗌咗半打生蚝同埋和牛鱼子酱多士试吓！生蚝好新鲜好Creamy size有我只手板咁大只添呀!鱼子酱和牛多士 和牛油花好重好香淋 配上鱼子酱味道更加升华 面头仲有金箔几咁奢华!Set lunch前菜我哋嗌咗波特酒酿葡萄配法式鹅肝冻同自家制蟹饼配柠檬忌廉汁！法式鹅肝冻 冇咗平时食鹅肝嘅油腻感觉 咸咸香香 配酒酿葡萄好Refreshing自家制蟹饼好大件，好足料入边有好多蟹肉丝 热辣辣整起好好味！餐汤我哋嗌咗周打鱼汤，同法式龙虾汤 龙虾汤味道浓郁 不过我更加钟意周打鱼汤入边有好多鱼肉粒粒口感丰富！主菜我哋嗌咗法式香料烤龙虾味海鲜洋薏米饭同美国安格斯肉眼扒！第一次食薏米饭 感觉都几特别口感烟烟韧韧 龙虾同带子煎得好香好味！肉眼扒我哋嗌咗五成熟，可惜上到嚟已经接近七成熟 如果再生少少会更加啱我口味！甜品有南瓜奶冻同呢间舖头嘅signature美女与野兽！南瓜奶冻香甜软滑一摆入口就滑落喉咙！而美女与野兽当然系打卡之选，你睇吓朵玫瑰花几靓几精致，