Green Orange

拣呢间餐厅因为见到网上评价好高，加上喺我公司附近，上环地铁站一出3分钟左右就到，我哋点完菜之后最惊喜系，可以用一蚊换一只生蚝，实在太夸张，半打都系$6 ，仲要好大只，劲鲜甜好有海水味，好正！之后我哋点咗个煎带子沙律，带子同样鲜甜弹牙，而且份量好多，酱汁酸酸甜甜好开胃。餐汤点左南瓜汤，我最钟意佢够Creamy而且好香南瓜味，甜甜地非常好味。主菜我哋叫咗红虾海胆酱意粉，煎红虾比普通海虾特别大只而且有鲜味，海胆酱好浓郁意粉硬度刚刚好。另外点咗西班牙猪安，份量十足，切开见到煎得刚刚好，有少少粉嫩，所以食入口唔会好硬，绝对高质。我最期待嘅当然系我悉心安排嘅甜品，唔系普通心太软，主角系呢只甜品碟，见到个刻真系心心眼，因为画得真系好似，有我最钟意嘅面包超人陪我过情人节，真系特别sweet呢。