影片
更多
2009-02-21
45 浏览
要 o系情人节订台食夜饭都预左系贵夹唔抵食。而一向情人节我都交俾男友话事。今年佢拣左去圆方呢间 Wooloomooloo... (哗...原来个名好鬼难打)唔知系唔系金融海啸 o既关系，2 月头订位都 ok 㖞，不过对方要我地俾 500 蚊做 deposit。我觉得 ok 啦，都 fair o既，反正我地都预左果餐都一定 over 500，俾左佢我地点都唔会蚀。订位时对方问我地想住店内定店外 (店外为半开放形式)。男友话不如坐里面啦，应该会静 d (咁情人节都系想浪漫 d jer)。 好，入正题啦~~环境(好) 店内灯光昏暗，台上有烛光，而且有红玫瑰花瓣散在台面上，都几 romantic。格调都唔错，身边食客大多为斯文人，环境安静。(差) 我地被安排坐 o系店内最后角落，sofa 位 (但唔系卡位㖞)。虽然格调几好，但系略嫌太迫，太多台同埋 d 台拍得太埋。-------------------------服务(好) 门口知客动作好快，笑容都唔错。好快咁安排左入坐。本来以为情人节晚餐都预左要挨贵餐 (仲要系套餐冇得拣果只啦)。点知竟然可以问待应椤 menu 散叫，有得拣梗系开心。(差)
唔知系唔系金融海啸 o既关系，2 月头订位都 ok 㖞，不过对方要我地俾 500 蚊做 deposit。我觉得 ok 啦，都 fair o既，反正我地都预左果餐都一定 over 500，俾左佢我地点都唔会蚀。订位时对方问我地想住店内定店外 (店外为半开放形式)。男友话不如坐里面啦，应该会静 d (咁情人节都系想浪漫 d jer)。
好，入正题啦~~
环境
(好)
店内灯光昏暗，台上有烛光，而且有红玫瑰花瓣散在台面上，都几 romantic。格调都唔错，身边食客大多为斯文人，环境安静。
(差)
我地被安排坐 o系店内最后角落，sofa 位 (但唔系卡位㖞)。虽然格调几好，但系略嫌太迫，太多台同埋 d 台拍得太埋。
-------------------------
服务
(好)
门口知客动作好快，笑容都唔错。好快咁安排左入坐。
本来以为情人节晚餐都预左要挨贵餐 (仲要系套餐冇得拣果只啦)。点知竟然可以问待应椤 menu 散叫，有得拣梗系开心。
(差)
一坐低，已经觉得冷气好冻，原来靠墙边天花系风口，d 风直接吹住我个头。我同待应哥哥讲，要求调位。对方冇出声，净系示意其他人熄左个冷风。我见熄左个风都接受到，所以都冇坚持要调位。过左一阵，其他客都黎得七七八八，个冷风突然著返，d 风一吹，支爉烛当堂吹熄左，仲吹走哂我台面 d 花瓣。
最匪夷所思 o既系…全程冇待应帮我地点返著支爉烛，真系有冇搞错!
-------------------------
食物
(好)
值得一赞 o既系，d 食物水准都算唔错。我地叫左一个 appetizer + pasta + lamb cutlets，三样都好好味，appetizer 中规中啦，矩我个人最钟意系个 pasta，个白汁好浓好香，正! 个羊都好正，但我觉得唔够膻。
(差)
都冇咩差，d 野其实都几好食。
-------------------------
后话
食完餐饭之后几日，wooloomooloo 打返电话黎，问我地意见。我男友如实反映，讲完果通电话之后，对方话会寄张 coupon 俾我地 (㖞)，但到呢个 moment 我地仲未收到。
男友问我仲去唔去食，我话，都冇咩所谓，反正唔算贵。而且我绝对有理由相信，换左系闲日，服务态度应该会好好多。某程度上我都谅解佢情人节太多客唔够人手 serve 我地。
张贴
