影片
更多
2019-04-13
201 浏览
收工同同事约食饭，上网search到呢间韩赞。喺铜锣湾果头，见近近地几方便去就食呢间啦。入到餐厅店面其实望落几舒服，门口位仲有幅墙挂住好多情侣锁，应该系有得卖的，比啲情侣挂。不过我哋两个大男人就唔搞呢啲嘢啦。我哋坐个位后面有幅墙画咗好多粉红系+情侣Feel嘅图画，闺蜜情侣嚟食真心可以周围影下相打下卡咁。一坐低店员先送上一碟仔小菜，个人最钟意食泡菜。睇Menu叫嘢食先～～～一打开menu就比我见个韩式烤肉拼盘：猪、牛、鸡！哇！呢个一定要食，三款肉都好正，虽然唔系落好多酱汁，但系咁样反而可以食到啲肉香味。另外就叫咗芝士溶浆炒饭，个饭送到嚟时有惊喜。店员带住支火枪喺我哋面前即烧一烧个饭，应该系要烧溶表面嘅芝士，等佢可以拉丝。捞匀个饭，每一羹都有拉丝，睇嚟芝士落得好足。至于我就食泡菜牛肉炒饭，由于小弟真系好钟意食泡菜，所以叫呢个。仲有配搭一只蛋，个饭辣度足够，未到辣到顶唔顺，但系钟意食辣嘅人会钟意。饮品我哋只叫咗杯朱古力恐龙，其实就系冻华田上面洒上大量阿华田粉。冇谂过又唔差㖞，压啲粉落杯嘢到饮又得一啖华田一啖粉都得。离开时发现原来从街上望去间餐厅，系有好多星星灯饰㗎！大家揾唔到间餐厅就用星星去
入到餐厅店面其实望落几舒服，门口位仲有幅墙挂住好多情侣锁，应该系有得卖的，比啲情侣挂。不过我哋两个大男人就唔搞呢啲嘢啦。
我哋坐个位后面有幅墙画咗好多粉红系+情侣Feel嘅图画，闺蜜情侣嚟食真心可以周围影下相打下卡咁。
一坐低店员先送上一碟仔小菜，个人最钟意食泡菜。
睇Menu叫嘢食先～～～一打开menu就比我见个韩式烤肉拼盘：猪、牛、鸡！哇！呢个一定要食，三款肉都好正，虽然唔系落好多酱汁，但系咁样反而可以食到啲肉香味。
另外就叫咗芝士溶浆炒饭，个饭送到嚟时有惊喜。店员带住支火枪喺我哋面前即烧一烧个饭，应该系要烧溶表面嘅芝士，等佢可以拉丝。捞匀个饭，每一羹都有拉丝，睇嚟芝士落得好足。
至于我就食泡菜牛肉炒饭，由于小弟真系好钟意食泡菜，所以叫呢个。仲有配搭一只蛋，个饭辣度足够，未到辣到顶唔顺，但系钟意食辣嘅人会钟意。
饮品我哋只叫咗杯朱古力恐龙，其实就系冻华田上面洒上大量阿华田粉。冇谂过又唔差㖞，压啲粉落杯嘢到饮又得一啖华田一啖粉都得。
离开时发现原来从街上望去间餐厅，系有好多星星灯饰㗎！大家揾唔到间餐厅就用星星去辨认啦！
张贴
