Classy Le Carré

营业中

休息中

今日系我同女朋友嘅一周年，就打算带佢去西环嘅ClassyLe Carre食法国菜。呢度环境好好，以白色做主题，好浪漫，仲摆咗啲花，好啱嚟拍拖。女朋友叫咗个魔鬼酱黄鸡，外皮香脆，肉质鲜甜滑嫩，唔会柴柴地，而且完全冇骨，食落好方便。配埋魔鬼酱独特嘅风味一齐食，简直系绝配！而且份量都好大，女朋友食到好满足！我就叫咗和牛牛面颊，牛肉鲜嫩多汁，油花好细腻，口感好丰富！最特别系仲放咗芝士粟米糕，同牛肉一齐食，别有一番风味！同时，每一啖仲充满住酒香味，整体味道好正！我哋仲叫咗一杯朱古力，好好饮！我哋拣咗100%厄瓜多尔纯黑朱古力，浓郁嘅朱古力喺口腔散开，饮落好香！而且仲带住朱古力独特嘅味道，我同女朋友都好钟意！我哋两个人都好开心，下次仲要再嚟试更多美食！