Amplifier Restaurant (花園街) (已結業)

一直都想揾好食嘅Beef Wellington🥩，咁啱揾到呢间餐厅就系出名食威灵顿牛柳～如果散叫可以叫半份/全份，或者食2人餐😆有齐头盘、汤、主菜（威灵顿牛柳2件再加意大利饭/意粉）、甜品同野饮～另外要赞一赞餐厅环境，静静地而且好阔落，坐得舒服，仲可以预先book位要求坐梳化位！5小时慢煮美国威灵顿牛柳⭐️⭐️⭐️外层酥皮香脆，中间嘅牛柳同酥皮之间有一层蘑菇酱好香，牛柳唔韧，但都唔可以一刀切断，连埋酥皮一齐切嘅话会好容易散，牛柳嘅外围部分过熟咗少少，中间嘅熟成度就啱啱好～伴碟有一大量菠菜碎同原个蒜头，夹埋牛柳一齐食口感层次丰富之余仲冇咁干～香煎加拿大带子南瓜意大利饭⭐️⭐️⭐️⭐️带子煎得啱啱好！鲜甜之余又唔会过熟，中间仲系嫩既，外边有煎咗嘅香味，好食！南瓜意大利饭一开始担心太浓味，但食落去清甜又唔会过浓，份量适中，两个人食啱啱好😋意大利帕尔马火腿蜜瓜正常发挥，蜜瓜几多汁，另外欣赏佢配有沙律菜🤣鹅肝煎得好香脆，入口即溶，质地幼滑但有少许筋，无筋嘅话就完美了～蟹肉龙虾浓汤⭐️⭐️⭐️⭐️好似有成只龙虾浓缩咗喺碗汤到，龙虾味好浓，仲有蟹味添，啖啖汤都食到蟹肉，足料好饮～是日甜品系杂果pancake，每人一份，好