花花世界. (已結業)

黎到玫瑰咖啡室，一入嚟嘅感觉就系好似去咗童话世界咁样。餐厅室内嘅设计同埋装修风格适合各情侣同埋闺蜜聚会。好！先讲讲食物嘅质素。我哋就点左个餐汤跟住配上西冷牛扒同埋烩饭。整体嘅质素非常之唔错，服务员都好耐心咁等候我哋点餐同埋拥有甜美嘅微笑。餐汤罗宋汤令人胃口大开令跟住落嚟嘅主菜食到津津有味，西冷牛扒我选择咗七成熟，唔太生唔太熟口感啱啱好。加上鲜嫩嘅肉汁应该系配合左餐厅入面厨师嘅手势先能够做到如此美味嘅菜式。整体都令我非常之满意。然后到黑松露烩饭，饭粒口感适中容易入口，分量适合食量较少嘅女士，贴合咖啡室嘅主题同埋格调。味道浓郁令到我胃口大开，配上周围嘅装饰设计真系令人好似落咗仙境咁。其中仲有个秋千嘅位置可以比客人或者朋友影相，可以成为打卡胜地。整体餐厅综合左食物嘅质素、环境嘅格调、装修嘅设计都一致好评。建议大家可以不妨到旺角试一试享受一下童话世界嘅感觉。