龍蝦吧餐廳

营业中

休息中

餐厅夜晚灯光昏暗，好有情调，坐得好舒服好疏落。呢个包篮超级有诚意，种类多而且份量慷慨。里面有酸种包、裸麦包，重点系芝士脆片。芝士脆片好浓芝士味，相信落左好多种芝士，值得encore。简简单单配牛油都好好食，外脆内软。*烧芦荀*呢个冇咩特别，纯食食材的原味，隔离有mustard可点。馅饼里面包住龙虾肉，但好韧，好容易卡住牙，要好用力咬，麻麻地。薯蓉好creamy，不过好快会腻。上面淋上龙虾汁，好香浓，但成份偏油腻，会食唔哂。**Sticky  Toffee Pudding**呢个好食，但要有心理准备好甜，椰枣蛋糕微暖，一定要配冰冻的云呢拿雪糕食，即时减甜，好香好好食。不过浸住的酱比椰枣蛋糕更甜，唔可以点咁多。