影片
更多
2018-10-31
528 浏览
一早订咗枱谂住同好朋友食返餐FINE DINING但可惜对方要OT唔知几点先收得工,所以就同妈妈一齐食餐好，当系顺便预祝佢生日(其实系揾佢夹脚...唉)。因为妈妈唔饮所以点咗两个8 COURSE SET慢慢叹，谈吓心。坐低先送上几款HOMEMADE BREAD配风干蕃茄酱。味道酸酸几开胃。头盘先系烟熏北海道八爪鱼。卖相十分精致吸睛，侍应见我地攞定手机仲特登放慢揭盖速度，让我地影餐饱，哈哈。烟雾迷漫嘅效果真系好得。而且结实肉质散发淡淡烟香味，睇得又食得唔错。意大利饺子。淡淡嘅野菌混合肉碎及奶油，加上饺皮软薄。作为略垫肚子嘅一道啱啱好。之后系波尔多牛肉他他。熟成牛肉肉味香浓，切得细碎之余仍有咬口，配上山葵／黑醋／红菜头／牛油果酱汁清爽得黎又略带辛辣，味道丰富又醒胃。墨西哥冻汤。又系一道吸睛菜式，汤碗底下放置大量干冰一方面保持冻汤温度，另一方面增添造型吊起食欲。因为用上蜜瓜／希腊乳酪／青瓜，以饮落酸甜又有少少果香。透心凉嘅感觉几唔错。香煎法国鹅肝。鹅肝煎得啱啱好，两面焦香而中心软滑，少少膻味伴以南瓜茸十分可口，而沾上一点旁边黑醋可以减低油腻感。黑松露温泉蛋。简单配突颢出黑松露嘅香味，食时将温
坐低先送上几款HOMEMADE BREAD配风干蕃茄酱。味道酸酸几开胃。
烟熏北海道八爪鱼
20 浏览
0 赞好
0 留言
意大利饺子。淡淡嘅野菌混合肉碎及奶油，加上饺皮软薄。作为略垫肚子嘅一道啱啱好。
波尔多牛肉他他
22 浏览
0 赞好
0 留言
墨西哥冻汤
17 浏览
0 赞好
0 留言
墨西哥冻汤。又系一道吸睛菜式，汤碗底下放置大量干冰一方面保持冻汤温度，另一方面增添造型吊起食欲。因为用上蜜瓜／希腊乳酪／青瓜，以饮落酸甜又有少少果香。透心凉嘅感觉几唔错。
香煎法国鹅肝
15 浏览
0 赞好
0 留言
香煎法国鹅肝。鹅肝煎得啱啱好，两面焦香而中心软滑，少少膻味伴以南瓜茸十分可口，而沾上一点旁边黑醋可以减低油腻感。
黑松露温泉蛋
26 浏览
0 赞好
0 留言
黑松露温泉蛋。简单配突颢出黑松露嘅香味，食时将温泉蛋／松露及芝士搅拌均匀滑溜口感同食紧啫喱无咩分别。当中芝士嘅咸香整道菜点缀不少。
青柠檬雪葩
17 浏览
0 赞好
0 留言
进入主菜之前先有一客青柠檬雪葩清一清味蕾，又酸又冻嘅雪葩完全将之前食落嘅各种味道一扫而空。当中番石榴粒及青柠泡更系点睛之作，令整体入口清香不少。
开心果烤澳洲羊鞍
30 浏览
0 赞好
0 留言
开心果烤澳洲羊鞍。羊鞍入口细嫩一啲膻味都没有，配上包裹住嘅开心果碎口感丰富，又带香口。伴碟嘅芥末酱及萝卜果酱都低咗羊鞍嘅油腻感，令到食起上黎无咁饱滞。
香煎智利鲈鱼
27 浏览
0 赞好
0 留言
香煎智利鲈鱼。鱼肉煎得啱啱好滑嫩无骨，配上翠肉瓜丝好味又健康。因为瓜丝都算粗身所以挂汁效果几好，而奶油泡沫令整体香气更足。即使睇落去好似几油腻但食完仍觉清爽。
Panna Cotta
22 浏览
0 赞好
0 留言
甜品系伯爵茶Panna Cotta及绿茶雪糕伴焦糖拿破伦。前身幼滑奶香又带点伯爵茶嘅清爽。啱晒配上花茶慢慢品尝。而后者香脆嘅口感最夹一杯咖啡中和一番。
最后又有五粒都系橙味为主浓淡各异嘅朱古力，让人饭后一点甜，为满足嘅一餐划上句点。餐厅面积不大，都系得四五张枱，比较适合情侣或蜜友相聚。悠静嘅环境几令人放松慢慢享受美食。
张贴
