影片
更多
2013-02-06
6 浏览
上年10月初跟老婆嚟食咗一餐贺佢生日，当时对环境、服务、食物都甚满意，估唔到事隔数月再重临此地，不过，有别上次嘅浪漫西餐，环境依然喺情调浪漫、宁静优雅，但获邀试菜喺中式嘅贺年套餐，无错，真喺贺年套餐！虽然都知Le Chef喺做东西共融嘅混合菜，但估唔到贺年菜一样有做，所以对此都几好奇，想睇睇佢点将新派又融入传统，晌度再次多谢酒店公关嘅安排及款待。由于之前已写过佢嘅环境、服务……等等，所以今回就省略唔多讲，直接写写所试嘅贺年菜，唯补充一句，据侍应解释，厨房方面有啲出错，所以整个晚餐上菜极慢。整个菜单一共有8道菜，都喺取其意头「发」嘅意思，而整个铺排多少都参照番传统一围酒席个模式，有拼盘、有汤、有海鲜、有菜、有鱼、有肉、有饭、有甜点，但出餐上菜就以西菜格局，所以有餐前面包篮，以及餐后咖啡或茶。当中嘅菜式，有啲喺融合菜，有啲就纯属中菜，个人而言，感觉几特别，因为像食中菜，又似食西餐，钟意试新嘢嘅人大可一试，可能有另一番体会。面包篮．四式佐料跟上次一样，面包篮有3款面包：长条意大利包、小圆法包及小圆麦包，送嚟时都喺暖烘烘，而面包篮以大餐巾半包裹著，尽量帮面包保温。4款佐料喺：软牛油、柠檬橄榄油
由于之前已写过佢嘅环境、服务……等等，所以今回就省略唔多讲，直接写写所试嘅贺年菜，唯补充一句，据侍应解释，厨房方面有啲出错，所以整个晚餐上菜极慢。整个菜单一共有8道菜，都喺取其意头「发」嘅意思，而整个铺排多少都参照番传统一围酒席个模式，有拼盘、有汤、有海鲜、有菜、有鱼、有肉、有饭、有甜点，但出餐上菜就以西菜格局，所以有餐前面包篮，以及餐后咖啡或茶。当中嘅菜式，有啲喺融合菜，有啲就纯属中菜，个人而言，感觉几特别，因为像食中菜，又似食西餐，钟意试新嘢嘅人大可一试，可能有另一番体会。
面包篮．四式佐料跟上次一样，面包篮有3款面包：长条意大利包、小圆法包及小圆麦包，送嚟时都喺暖烘烘，而面包篮以大餐巾半包裹著，尽量帮面包保温。4款佐料喺：软牛油、柠檬橄榄油、意大利黑醋及香蒜沙律酱，前三者上次都试过，柠檬橄榄油嘅清香仲喺记忆犹新；而上次嘅蕃茄沙沙无咗，换嚟香蒜沙律酱，同样出色㖞，沙律酱带有好香蒜蓉味，涂包依然好食。
八喜临门（Le Chef Sampler）打头阵，唔喺乳猪全体，更唔喺烧味拼盘，喺一道名为「八喜临门」嘅点心拼盘。分别喺蜜汁叉烧、日式七味粉豆腐、鹅肝多士、沙拉虾丸、蜜卤腩仔肉、鲍鱼烧卖、海蜇、甜酸青瓜仔，以一块啡黑色石板盛上，甚有原始味道，颇有视觉享受。个人推介食法，最先应拣日式七味粉豆腐，虽然下咗七味粉，但味道较清淡；跟住就可以烧卖、叉烧、虾丸、多士、腩仔肉，味道由淡到浓轮住食，几样嘢味道唔错，可惜只喺蜜卤腩仔肉香浓却唔够松化；最后就喺海蜇及甜酸青瓜仔，集爽、酸、辣，有助清新一下口腔，准备迎接下一道菜。
黄金蟹肉汤（Pumpkin with Crab Meat Soup）「黄金」为南瓜也，南瓜以日本或欧洲南瓜仔为主，烧香再刮肉嚟做南瓜汤底，有别平常饮到嘅南瓜汤，因为大厨话无加面粉，无捞忌廉，以南瓜净肉嚟打，怪不之得南瓜味浓，不过唔知喺咪品种问题，个汤颇甜，有啲甜得过份嘅感觉。虽则卖相唔喺好靓，但汤中配以蟹肉，自不然令个汤更见矜贵，再以大圆汤碟载住，犹如西汤一道。
美极大虾（Wok Fried King Prawn in Maggie Sauce）整晚较回归西菜模样嘅菜式，大虾鎅背以美极鲜酱油香煎，伴以少少沙律菜，卖相简单而精致。大虾好厚肉，因已鎅背，拆壳亦非常容易，不过，肉质唔算得好弹牙，但味道保持到鲜甜。
瑶柱扒豆苗（Braised Pea Shoot with Conpoy）绝对喺常见嘅传统菜式，无加入任何西菜或融合元素，足可睇睇大厨煮中菜嘅手势。豆苗很嫩绿，以高汤煮过，最抢镜就喺放面嘅瑶柱丝，落得一啲无手软，近乎铺满碟面。
蒸澳洲鲈鱼柳配白露笋海胆汁（Steamed Sea Bass Fillet with White Asparagus in Sea Urchin Sauce）中式做法、西式卖相、日式酱汁嘅蒸鲈鱼，确喺一道颇为好食嘅鱼鲜菜。澳洲鲈鱼柳鱼油多，平时多数用作煎，但蒸出嚟嘅效果都唔错，鱼肉挺滑溜；而垫底嘅白露笋，大厨话为咗去除其苦涩味，用上白酒、沙糖、蔬菜汤煮过；至于汁料除落咗豉油外，晌上面仲淋咗少少海胆汁，令鲈鱼添加几分海洋鲜味，构想几有心思。不过，大概豉油下得多咗，部份鱼肉及白露笋稍为过咸，需留意嘅地方。
清炒蒜片牛肉粒（Sautéed US Beef in Garlic）鲍汁海鲜荷叶饭（Fried Rice with Seafood & Egg White in Abalone Sauce wrapped in Lotus Leaves）
虽然喺两道菜，但为求卖相好睇及丰富啲，所以以大碟放埋一齐。清炒蒜片牛肉粒卖点在于用咗美国熟成（dry aged）牛肉嚟做，虽知熟成过肉味都会较为浓郁，肉质亦都松化，配以酱汁、蒜片，几惹味嘅组合，伴有少许时蔬衬托吓。本应依道菜值几高分，唯可惜又再出现过咸嘅情况，实有需要改善一下，看看所用嘅酱料来货会否出现问题。
荷叶饭以迷你蒸笼盛载，咪睇佢笼仔细细，实质成碗饭有多，极之抵得饱肚。饭粒分明爽口，内里有好多海鲜粒及蛋白碎，不过鲍汁味唔太突出，荷叶亦做样大于实际，所以唔好期望饭粒好有荷香味。
焦糖炖蛋煎堆配杞子焦糖汁（Deep-fried Sesame Dumpling filled with Custard in Lycium Caramel Sauce）正所谓「煎堆碌碌，金银满屋」，应吓节又配合番个菜谱，一道中西合壁嘅焦糖炖蛋煎堆几富创意及配合餐厅路线。初初睇见个菜单，焦糖炖蛋 + 煎堆，点搞呀？啊！原来以小煎堆为蓝本，内里酿入焦糖吉士，实际并非真喺焦糖炖蛋嚟，睇佢个英文译名就见到啲端倪，但又好奇怪，咁点解唔索性叫「焦糖吉士煎堆」呢？大概因为吉士无咁好听啩。言归正传，讲番道甜品，煎堆做得真有一手，外脆内暖，煎堆沾满白芝麻，好香口，而里面嘅焦糖吉士，软滑香甜，再者令个煎堆食落无咁干身。伴以杞子焦糖汁，杞子功效明目、润肺，但做唔做到疗效都喺其次，首先味道已带嚟惊喜，小弟不嬲都钟意焦糖香，渗以点点杞子味，质感细滑，虽然味道颇甜，但感觉挺特别，我都几钟意依个甜品，个人建议，就算唔作为贺年菜，大可放晌平时晚餐餐牌度，等其他食客有机会一试！
虽然话大部份菜式都以西菜包装，份量精致，做得的骰，但连埋面包篮，8道菜加起嚟真喺食得人非常之饱。以$498一位都算抵食，人多仲有著数添㖞，$888 / 2位，$1,288 / 3位，$1,588 / 4位（需加一服务费），如多过4位，以4位价钱除平均嚟逐个计。个人小贴士，唔算好大食嘅人，尤其女士，真喺可以叫一份嚟两个人食，又或叫两份嚟三个人食。如仲未有计划去边度食团年饭或开年饭，不妨到Le Chef一试佢个贺年套餐，供应期为2013年2月9-12日。祝各位食友餐餐食得称心满意，日日过得开怀写意！
题外话/补充资料：
除贺年套餐外，Le Chef当然会有情人节套餐供应啦，供应期为2013年2月13-14日两日，价钱跟贺年套餐一样，以5道菜为标准，有兴趣人士可到佢哋酒店网址或面书查看。
(以上食记乃用户个人意见 , 并不代表OpenRice之观点。)
张贴
