影片
更多
2017-12-22
2419 浏览
黎紧圣诞节要出TRIP，虽然一早知会左另一半，但黎到年尾最后一个大节日仲要唔系佢身边，点都要有返啲行动作为感谢对方为自己过去一年嘅付出，所以一早BOOK定枱同佢庆祝。因为早到关系所以获安排坐窗口位，一边进餐一边享受行车街景，舒适环境已经加分不少。因为FULL COURSE MEAL共有六道菜,所以我地都放慢节奏，仔细享受属于我地嘅烛光晚餐。听完店员细心讲解晚餐嘅内容，就拜托佢推荐两杯配合晚餐嘅餐酒同食，自问唔系咩识品酒嘅人士同埋另一半酒量都浅，但两款都几易入口而且同菜式味道几夹，另一半尤其钟意杯Champagne Cocktail，店员哥仔应记一功。最先系呢度嘅自家制餐包：芝麻竹炭包／香草法包及芝士脆片。前两款软硬适中，又唔会太干身单食味道十分讨好，点上香草茄子酱就更好食。而脆片本身卜卜脆又带点咸香，最啱同辣肉肠南瓜酱一齐食，微辣甜味道十分惹味。因为知道生蚝做紧买一送一优惠所以都点左三款各有浓淡口味嘅黎食，同另一半SHARE黎食啱啱好。三款生蚝分别系SCOTTISH ROCK($88)/ ANCELIN SPECIALE($88)/ GILLARDEAU($98)。当中最喜爱系法国蚝后
因为早到关系所以获安排坐窗口位，一边进餐一边享受行车街景，舒适环境已经加分不少。因为FULL COURSE MEAL共有六道菜,所以我地都放慢节奏，仔细享受属于我地嘅烛光晚餐。
听完店员细心讲解晚餐嘅内容，就拜托佢推荐两杯配合晚餐嘅餐酒同食，自问唔系咩识品酒嘅人士同埋另一半酒量都浅，但两款都几易入口而且同菜式味道几夹，另一半尤其钟意杯Champagne Cocktail，店员哥仔应记一功。
自家制餐包
23 浏览
0 赞好
0 留言
最先系呢度嘅自家制餐包：芝麻竹炭包／香草法包及芝士脆片。前两款软硬适中，又唔会太干身单食味道十分讨好，点上香草茄子酱就更好食。而脆片本身卜卜脆又带点咸香，最啱同辣肉肠南瓜酱一齐食，微辣甜味道十分惹味。
SCOTTISH ROCK/ ANCELIN SPECIALE/ GILLARDEAU
24 浏览
0 赞好
0 留言
因为知道生蚝做紧买一送一优惠所以都点左三款各有浓淡口味嘅黎食，同另一半SHARE黎食啱啱好。
SCOTTISH ROCK/ ANCELIN SPECIALE/ GILLARDEAU
12 浏览
0 赞好
0 留言
青柠蒜香八爪鱼配香甜红椒蓉
22 浏览
0 赞好
0 留言
法国谷饲牛肉他他
14 浏览
0 赞好
0 留言
八爪鱼烹煮得入味软腍，配上青瓜片及甜椒蓉等味道酸甜清爽，食时蓝色橙酒珠珠在口腔爆开，配上青柠泡沫令味道层次再多变化，加强了冷盘嘅开胃效果。
牛肉他他好腍滑，当混和鹌鹑蛋液后蛋黄香气带出牛肉嘅甘甜，咀嚼下肉香浓郁再配上蒜香脆多士同食，反差口感更添层次。
意大利风干烟肉、芦笋冻汤配烟熏泡沫
10 浏览
0 赞好
0 留言
法式海龙王汤
13 浏览
0 赞好
0 留言
而冻汤一上枱时店员哥仔细心解说食时唔好搅拌，直接一匙舀到底将烟肉及露荀汤连泡沫取出，烟熏泡沫嘅味道先会最突出。果然咁样可以令泡沫嘅烟熏味先刺激味蕾鼻腔，冰凉露荀同咸香烟肉味道接踵而至，十分滋味。
鲜虾慕丝烟三文鱼卷配烟肉芝士忌廉汁
13 浏览
0 赞好
0 留言
香煎鹅肝配黑醋荔枝苹果
13 浏览
0 赞好
0 留言
烟三文鱼包住虾胶将双方鲜味互相提升，入口腍滑弹牙。烟肉忌廉汁咸鲜嘅味道唔会特别饱滞，反而突出左烟三文鱼嘅味道。而鹅肝煎封得两边焦香，中间啱啱熟呈半凝固状态。唔使用力就已经切开了，入口软嫩膻香，鹅肝慢慢系口内溶化嘅味道真系明知高热量都要食多几啖，伴碟嘅黑醋及青苹果刚好起到解腻作用，所以鹅肝食落唔会偏重油脂味道。
石榴雪葩
10 浏览
0 赞好
0 留言
香草红酒烧汁烩澳洲和牛牛面颊配牛肝菌玉米糕
17 浏览
1 赞好
0 留言
香草红酒烧汁烩澳洲和牛牛面颊配牛肝菌玉米糕，经过红酒烩煮嘅牛面肉十分软腍，牛肉嘅纤维用叉就已经可以轻易分开而且入味非常，酒香肉香都好突出，跟甘荀露荀等同食，蔬菜嘅清甜可以平衡浓郁嘅肉味，更觉轻盈。
不得不食垫底嘅牛肝菌玉米糕，口感似薯蓉之外味道都好清香，同牛面肉好夹。两者一齐入口简直一绝。
慢煮西班牙伊比利亚羊，蜜糖芥末子汁配香草焗蒜
19 浏览
1 赞好
0 留言
慢煮西班牙伊比利亚羊，蜜糖芥末子汁配香草焗蒜。羊架慢煮后肉质呈粉红色但同样松软腍滑，因为仲有啲骨边筋肉连住所以仍有结实口感，但一啲膻味都没有，反而因为外表覆盖住一层烤得脆口嘅香草糠，令口感更丰富。点上芥末汁更可减低羊脂多余嘅油腻感，食落更惹味。而焦甜蒜子都几夹羊肉，可以配上一齐食。
饭后店员送上杯玫瑰花茶，让我地等待甜品时可以解解腻，俾忙碌嘅肠胃歇一会。
红茶法式焦糖炖蛋
12 浏览
0 赞好
0 留言
最后系红茶法式焦糖炖蛋，甜道刚好清清地，炖蛋幼滑茶味都优香配上脆卜卜脆片丰富口感，十分可口。
手作榛子咖啡朱古力及蝴蝶酥
38 浏览
0 赞好
0 留言
埋单前店员哥仔仲话俾我地知只要LIKE及SHARE FACEBOOK就可以即时享有95折优惠，仲有张85折COUPON可以下次使用。不过因为佢同另一位店员妹成晚嘅招待及笑容，令我地有个舒适又愉快嘅晚上，呢个LIKE就算无COUPON都绝对值得俾啦。
张贴
