意粉狂熱 (屯門時代廣場北翼)

营业中

休息中

最近推出左新菜式, 好友即急CALL叫食饭, 随即系Openrice订座。而且地点十分方便, 由西铁站行过黎都系十分钟左右。一落电梯就见大大个招牌。餐厅地方大, 座位好阔落，仲有长卡位适合比多人聚会。而且用QR CODE落单，简单快捷👍🏻我地拣左个套餐有餐汤、沙律、意粉同甜品，另外再加多个小食😋《忌廉蘑菇汤》成个汤充满粒粒蘑菇, 十分creamy。《凯撒沙律》食材有沙律菜、蛋、面包糠、芝士碎、越食越开胃。《鲑鱼亲子和风忌廉鲜制意粉》爆满忌廉汁浓郁，好香! 五旧鲑鱼肉厚弹牙，配上粒粒鳕鱼子，卖相十分吸引，食落味道爽口😋。《蕃茄香草鸡肉天使面》烤鸡件唔干身，烟韧弹牙，加上杂菌同蕃茄一齐煮，好JUICY!《原味荷兰松饼配云尼拿雪糕》香烤松饼配搭云尼拿雪糕黎食，一冷一暖，食唔停口👍🏻《冻水果茶》解腻又开胃，果味偏淡, 甜度较低, 味道清清地。！《柠檬蜜糖鸡翼》鸡翼配搭十分多，我地拣左蜜糖酱配搭，效果好好，外脆内软，真系一人一碟先够喉呀!整体来讲，人圴$200左右，食物上菜又快。值得久唔久都会黎帮衬。