Cafe Charm's (已結業)

喺开饭见到cafe charm攞左第一位，即刻入去睇下先，哗哗啲野食好正咁㖞，约朱古力控友人去食先。八点左右黎到，要等两张枱，都好快有位友人点左朱古力沙冰，佢话朱味浓好正㖞。自己点左mocha grand size，大同细size只差几蚊，贪心嘅我梗系要大杯熊仔拉花好得意呀～朱古力味浓带少少咖啡香，随杯送上姜饼人一只，圣诞节特别版？！哈哈～自己点左黑松露意大利饭，饭煮得软硬适中，酱汁creamy带著黑松露香，啖啖都有杂菌，好正。友人点左明太子烟肉意大利粉，上枱时好香啊！少少辣嘅明太子好惹味，再加上烟肉嘅咸香，整体调味好平均好好味。主角甜品就系为左窝夫而黎，睇下睇下几吸引！！oreo and brownie waffles，窝夫富蛋香外脆内软，brownie劲重朱古力味，oreo甜甜的又脆口，加埋曲奇同朱古力雪糕无敌好味，十个正！食到好饱呀～