影片
更多
2015-12-09
399 浏览
是晚被邀请同识饮识食嘅友人去食西班牙菜,原本都系谂住食下tapas𠮶啲嘢,点知成晚带比我嘅就系惊喜无限!今晚既晚餐系wine pairing dinner 黎,基本上由前菜开始,每一道菜都会配一杯酒,有红酒有白酒.前菜系黑毛猪火腿,呢度嘅黑毛猪火腿好讲究,食之前佢带我去望下只火腿,然后有西班牙籍嘅厨师介绍只火腿边一个部份打边一个部份,原来每一个部份嘅口感同埋设法都唔同味道都有啲分别嘅,今日可以安排左火腿嘅四个部份俾我哋食,包括有近骨位,火腿嘅上面同埋底部,同埋火腿最顶顶𠮶个位,切出嚟嘅文理同埋脂肪分布都有分别,佢介绍我哋有由最近骨既地方开始食,然后食上面,底部最尾先食顶𠮶个位,火腿仲配一杯香槟,简直就系一级享受!Iberico ham 够晒咸香,个人比较钟意偏瘦嘅位置,可以食到火腿嘅原味,喺呢度食有四个位置比你比较就知道自己钟意食边一个部份多啲,第日就会识叫啦!Tapas 系生蚝,佢用咗少少分子料理嘅做法,一只配上咗伏特加酒泡沫,另一只配上左西班牙橄榄油炒蔬菜,西班牙生蚝第一次食唔算好咸亦都唔系美国好好creamy 咁 ,系鲜甜而爽身嘅蚝,两个食法各有各好味,伏特加酒泡沫𠮶个带有少少轻
今晚既晚餐系wine pairing dinner 黎,基本上由前菜开始,每一道菜都会配一杯酒,有红酒有白酒.
前菜系黑毛猪火腿,呢度嘅黑毛猪火腿好讲究,食之前佢带我去望下只火腿,然后有西班牙籍嘅厨师介绍只火腿边一个部份打边一个部份,原来每一个部份嘅口感同埋设法都唔同味道都有啲分别嘅,今日可以安排左火腿嘅四个部份俾我哋食,包括有近骨位,火腿嘅上面同埋底部,同埋火腿最顶顶𠮶个位,切出嚟嘅文理同埋脂肪分布都有分别,佢介绍我哋有由最近骨既地方开始食,然后食上面,底部最尾先食顶𠮶个位,火腿仲配一杯香槟,
简直就系一级享受!Iberico ham 够晒咸香,个人比较钟意偏瘦嘅位置,可以食到火腿嘅原味,喺呢度食有四个位置比你比较就知道自己钟意食边一个部份多啲,第日就会识叫啦!
Tapas 系生蚝,佢用咗少少分子料理嘅做法,一只配上咗伏特加酒泡沫,另一只配上左西班牙橄榄油炒蔬菜,西班牙生蚝第一次食唔算好咸亦都唔系美国好好creamy 咁 ,系鲜甜而爽身嘅蚝,两个食法各有各好味,伏特加酒泡沫𠮶个带有少少轻微酒香,提升到蚝嘅鲜味;炒蔬菜𠮶只就有另一番风味,有少少爽口嘅蔬菜配上只蚝感觉系好特别嘅!当然有白酒配食生蚝啦,呢支白酒就比较干身啲,食海鲜系一流嘅!
Main course 有我最爱既sea bass ,今日呢个系薄身嘅海鲈鱼,最特别嘅系佢个底有菜心,你又估唔到系西餐入边加上菜心又真系几夹!鲈鱼煎到个皮好香脆,鱼肉又唔会好干身,配菜心又有一种好特别嘅感觉!今次中西合璧我系非常之钟意嘅!
主菜嘅另一样系慢煮西班牙猪配薯仔泡沫同埋蔬菜,哗!呢一个真系不得了!我咁大个女系未食过个入口即化嘅猪肉,当然系一片脆卜卜嘅猪皮,底下既猪肉系淋到入口即化,我完全唔敢想像究竟佢慢煮咗几多个钟先可以有呢一个效果!薯仔泡沫又系难以置信嘅一个部份,我都用过支泡沫鎗,都知道可以用液体压缩出泡沫效果,但系薯仔佢究竟点可以做到液体然后做出泡沫呢?我又真系谂唔明!食西餐有时最神奇嘅地方系食到一半有时会有个甜品俾你清一清个口,今日呢一个就犀利喇,系一个啫喱,忌廉同埋雪芭嘅组合.
最顶系sangria 雪芭,中间系cream ,最底系Licor43既啫喱,Licor43系佢地即酒,系橙味既,成杯嘢酒味都几浓,但有个cream系中间中和返又好和谐㖞!呢一个甜品我简直系想食完一杯又左一杯!但好可惜只得一杯....今晚嘅主角西班牙红虾出场!
西班牙红虾听就听得多,食就真系第一次厨师仲系着之前攞出黎俾我哋影相添真系好大只佢话成只下精华嘅部份就系个头到啦我哋阵间要留意一下然后佢就用煮西班牙饭嘅专用镬煮咗一个西班牙红虾饭出黎,出到黎之后佢切开咗个头,将入边嘅汁唧晒落个饭度再捞匀,香到唔能够形容,唔系一般虾头虾膏嘅香味,系一种好特别之前未食过嘅海鲜味,以佢嘅虾肉都唔系平时食花竹虾既质地,佢嘅质地同味道介乎海虾同埋龙虾之间,真系非常之特别,如果来呢度食饭呢个系必食嘅推介!以上几个主菜都系配一杯红酒 .
甜品方面系我最爱嘅香蕉雪糕配香蕉布甸配热情果忌廉同埋花生糖,雪糕同埋布甸都唔算好甜,配上美味孙嘅热情果忌廉,仲有好特别配上脆卜卜嘅花生糖,成个配搭怪得黎但好好味!多谢友人嘅安排,令我过咗一个非常愉快嘅西班牙之夜!
张贴
