影片
更多
2012-10-09
619 浏览
今晚有幸出席「招牌‧海鲜极级自助晚餐」食家饭局, 多谢富豪香港酒店嘅邀请!去富豪香港酒店简直系为我而设, 劲方便, 搭几个站地铁, 出咗站行2个街口就到喇~平时o黎多数都系食连续3年荣获米芝莲一星嘅「富豪金殿」, 食自助餐应该系第2次, 一出Lift第一眼见到有音乐家为你现场演奏钢琴, WoW, 好Surprise呀! 入到餐厅, 好光猛㖞, 同以前唔同晒, 好似大间咗咁嘅? 个天花好靓呀! 仲有不停转换颜色嘅花树都好靓好浪漫呀!谂住早d去到, 可以去Buffet枱慢慢影食物, 点知6点半已经劲多人! 唔想滋扰到食客, 只好快快手影几张~今晚嘅主题系「招牌‧海鲜极级自助晚餐」, 咁呀紧系要影海鲜啦~ 仲要试真d早几日买嘅「专业级傻瓜机」--Sony Cyber-shot DSC-RX100! 镜头F-1.8大光圈, 1吋感光元件, Carl Zeiss镜, 大家睇完d相系咪觉得好有大机Feel呢?!! 滋味焗蚝及带子--个样好吸引㖞, 仲放系铁板上面保温, 保证入口热辣辣~忌廉香草汁煮青口--个样靠得住㖞, 留口水-ing...鲜虾配热情果沙沙酱--用鸡尾酒杯盛载, 好贵气㖞, 脑
去富豪香港酒店简直系为我而设, 劲方便, 搭几个站地铁, 出咗站行2个街口就到喇~
平时o黎多数都系食连续3年荣获米芝莲一星嘅「富豪金殿」, 食自助餐应该系第2次, 一出Lift第一眼见到有音乐家为你现场演奏钢琴, WoW, 好Surprise呀! 入到餐厅, 好光猛㖞, 同以前唔同晒, 好似大间咗咁嘅? 个天花好靓呀! 仲有不停转换颜色嘅花树都好靓好浪漫呀!谂住早d去到, 可以去Buffet枱慢慢影食物, 点知6点半已经劲多人! 唔想滋扰到食客, 只好快快手影几张~
今晚嘅主题系「招牌‧海鲜极级自助晚餐」, 咁呀紧系要影海鲜啦~ 仲要试真d早几日买嘅「专业级傻瓜机」--Sony Cyber-shot DSC-RX100! 镜头F-1.8大光圈, 1吋感光元件, Carl Zeiss镜, 大家睇完d相系咪觉得好有大机Feel呢?!!
[主厨推介] 滋味焗蚝及带子--个样好吸引㖞, 仲放系铁板上面保温, 保证入口热辣辣~
忌廉香草汁煮青口--个样靠得住㖞, 留口水-ing...
鲜虾配热情果沙沙酱--用鸡尾酒杯盛载, 好贵气㖞, 脑入面不其然奏起007嘅主题音乐, 哈哈~
法式马卡龙--超抢手, 影完张相都已经冇咗3分2! 唔系嘛?!! 唔得喇, 我唔可以再净系排住影相喇, 我要爆(发食力)啦!好, 开动引擎, 「起锚」!
~第 1 Round~
Macaroon--吓?!! 一开始就食甜品?!! 唔系化?!!
冇错, 连我自己都觉得怪, 不过冇计啦, 见人一个人拎十几粒, 我再唔拎等阵一粒都冇得剩~ 朱古力味同绿茶味都好出, 好味, 如果个外皮再脆d咁就Very Good喇~
黑加仑子啫喱--什果啫喱, 用白朱古力条同木莓做装饰, 仲用个靓靓玻璃碗装住, 加咗奇异果汁围边, 好靓呀! 即时贵气晒!
~第 2 Round~
[主厨推介] 滋味焗带子--原个带子连壳上, 厨师将佢放系铁板下面个盘度保温, 食落仲暖o架, 卖相都OK, 酱汁味道都OK, 带子都几大只, 如果肉质再鲜嫩d甜美d咁就Perfect喇!
忌廉香草汁煮青口--个忌廉汁味道都唔错, 青口都几肥美~
炸鱼伴薯条--为庆祝伦敦奥运而加设嘅主题「味游英伦」, 于7月27日至8月12日期间供应多款精选英国菜, 包括烟肉焗生蚝, 初时见到一碟净薯条, 犹豫之际, 厨师捧出一大盘新鲜热辣嘅炸鱼, 哦, 原来系太受欢迎比人夹晒, 鱼肉鲜甜多汁, 香草炸酱味道都几好~
~第 3 Round~
鲜虾配热情果沙沙酱--虾肉爽脆, 热情果味道清新, 炎炎夏日作为头盘实在唔错~
龙虾蟹子酿芒果--芒果微酸, 好醒胃, 龙虾肉不多, 蟹子同青瓜丝有d日式Feel~
~第 4 Round~
沙律--材料新鲜, 选择又多, 健康嘅好朋友, 多吃有益~
烟三文鱼--好抢手, 油份充足, 味道不错~
~第 6 Round~
[主厨推介] 阿拉斯加蟹脚--好好味, 啖啖肉, 回本首选, 充满海水嘅味道, 肉质略嫌唔够幼嫩, 不过冇计, 系北海道食嘅冰镇阿拉斯加蟹脚都系咁上下质数, 要鲜嫩幼滑就一定要即㓥即食嘅先得~冰镇青口--肥大肉厚, 味道不错~
冰镇蓝贝青口--好重海水味, 好正, 可以食一打~
翡翠螺--我唔食翡翠螺, 见入面有只寄居蟹, 好Kawaii, 反正都唔食得落肚, 咁我拎佢返o黎, 都唔算浪费食物啫~~第 5/7 Round~
鹅肝多士 -- 中段厨师开始煎, 想食就要排队, 老友食家帮我拎埋, 唔该晒呀! 第一碟鹅肝煎得香脆, 烧汁偏淡, 鹅肝味浓, 好正! 之后部长帮我地拎, 落黑醋汁, 味道偏酸, 掩盖咗鹅肝嘅香味, 但系就抵消咗鹅肝嘅油腻感~ 回本之选!~第 8 Round~
[主厨推介] 中东烤肉串--有惊喜! 烧完嘅菠萝特别香甜味美~ 猪肉吸收咗菠萝嘅果酸, 肉质变得柔软, 而且调味适中, 香草味发挥得淋漓尽致, 赞!
酥皮三文鱼--厨师原个捧出o黎, 果样劲似巨型酥皮包, 切开就见到三文鱼, 厨师发现三文鱼差少少先熟透, 帮我系铁板度辣一辣, Perfect~ 配埋香草白汁食, 味道几好, 三文鱼虽然煮熟咗, 肉质仍然保持鲜嫩, 完全冇腥味, 查实我好怕食熟嘅三文鱼, 不过佢整得唔错~~第 9 Round~
即制梳乎厘 -- 部长好好人, 帮我地拎, 我食呢个系柠檬味, 柠檬味好强劲, d梳乎厘升得好高o架, 不过比我地影完又影, 玩到扁晒~ 入口都仲几松软, 口感唔错~~第 10 Round~
火焰雪山--全场焦点所在! 大厨为大家点火! 见唔见到d蓝光呀?!! 唔好嘘啦, 好难影到o架, 火光一瞬即逝! 有食家过几日生日, 大家为佢合唱生日歌, 寿星女仲切埋蛋糕, 好Sweet~海绵蛋糕入面包住云呢拿雪糕, 外层铺上以蛋白同砂糖打成嘅蛋白霜, 用火枪将蛋白霜表面烤焦, 再放入冰格冷冻, 好花功夫! 食前淋上Rum酒点火, 酒精烧尽后充满酒香同焦糖味, 超正!
~第 11 Round~
印度烤鱼--今日冇印度天多里烤肉, 换咗做印度烤鱼, 干咖哩味道好强劲, 都几辣, 胡椒薄脆几好味, 都系辣咗d~
火焰寿司--表面轻轻灼熟嘅三文鱼寿司, 味道都唔错, 细细粒, 可以试多几样~
~第 12 Round~
朱古力蛋糕--Brownie朱古力味浓, 食1件都饱晒~
木糠布丁--OK㖞, 几好味㖞~
栗子布丁--食唔出咩味, 除咗面头d栗子蓉~
~第 13 Round~
绿茶红豆蛋糕--绿茶味浓, 海绵蛋糕较为干身, 红豆Cream味道可以再重d~
朱古力火锅--朱古力火锅配料系泡芙同雪米糍?!! 好特别㖞! 以前好贪心, 食亲朱古力火锅都要浸满朱古力~
~第 14 Round~
雪糕--足本HD雪糕, 有4只味, 朱古力味同士多啤梨味系不二之选, 仲有多种配料, 我最钟意杏仁片, 健康又美味~ 配埋甜美水果, 为今晚饭局画上句号!
睇返相先知自己大战咗14个回合, 好劲呀! 我可以拎「非凡食力」奖啦, 实至名归o架!
最后, 感谢富豪香港酒店嘅邀请及热情款待!
张贴
