鮨見 (已結業)

好耐冇写过食评。但今日太过震惊，实在要抒发下，令其他食客引以为鉴。今日中午同朋友黎食寿司。环境首先一入去，个装潢已经唔妥，中午时间都觉得昏暗，有种残旧感。睇得出想向日式家居装潢靠拢，但格局出奇地违和。衞生menu系就咁一张纸，上面有豉油渍。有一张维达湿纸巾，日式寿司店枱上出现一张有简体字嘅内地品牌湿纸巾，有啲突兀。其实喱刻想走，但坐低左又唔好意思。加上见佢满座，姑且一试。师傅主要讲英文，普通话加少量日文。食物蒸蛋淡而无味，只有少量菌类同迷你瑶柱。8件寿司，有4件比较正常。第一件旧鱼有筋第二件有骨第四件超级腥，就算有姜蓉都掩盖唔住阵味，灌左几啖茶先忍到唔吐出黎。食完喱件已经令我对寿司有阴影。海胆寿司用左酸汁，古怪，又掩盖左海胆嘅鲜甜味。其余4件冇以上问题，我好感恩。最后个鱼汤同豆腐雪糕系成餐最优质嘅食物。卖单每人470几，咁嘅价钱，我情愿食元气。咁嘅价钱，湾仔，铜锣湾，有太多质素高嘅选择。无论环境，食物质素，服务态度都远远超过喱间主打omakase, 高级寿司嘅餐厅。喱个世界有好多野都解释唔到，例如点解喱间餐厅有咁多好评。