龍門一番 上海·紫砂燉湯 (已結業)

今晚嚟到荃湾嘅龙门一番上海·紫砂炖汤 食上海菜，紧系唔少得我最钟意嘅小笼包同酸辣汤啦～第一次嚟到呢到，店员除咗俾咗餐牌之外，仲拎咗唔同嘅茶包俾我哋呢～我就拣咗就咗铁观音啦，不过记住落茶叶嘅时候，落一半就OK啦，之后唔够味嘅时候，先再将另外果半包到埋落去，咁就啱啱好啦～第一个出场嘅就系上海酸辣汤，落雨冻冻哋，饮返啖暖下先～酸辣汤用料充足，有冬菇、肉丝、木耳等等，味道又酸又辣，好开胃呢～未食主菜之前，试下夏日必食嘅鸡丝粉皮先呢～嫩滑嘅鸡丝加上香滑的麻酱，正呀！之后仲有海鲜炒饭同埋黄金虾球，炒饭嘅饭粒粒炒得粒粒分明，而黄金虾球炸到脆卜卜，仲好香蛋黄味呀，而且虾肉仲好爽甜配埋炒饭 yumyum～而小笼包嘅皮厚薄适中，同时仲包住晒包内嘅汤汁，食嘅时候可以先吸吮入面的汤汁，最后先再食晒成粒小笼汤包呀。仲有炸到金黄色嘅炸银丝卷，酥酥软软咁～加埋甜甜嘅炼奶，真系大人细路都钟意！今晚食到好饱呀，下次可以几个人嚟食埋佢哋嘅云吞鸡汤呀～