和匠日式燒肉店

营业中

休息中

跟朋友去试烧牛同海鲜，佐敦港铁站出，行几分钟就到。和匠，门面好和风日式感觉。餐牌多选择，见到以牛同海鲜为主，有好多套餐选择。先叫胡麻酱豆腐沙律$62，蔬菜新鲜。之后叫了小食，芥末八爪鱼$48，好烟韧醒胃，仲有韩风泡菜$38，大白菜爽脆微辣。到主角Prime小牛排$138，同牛角切$168，表面睇脂肪分布均匀，烧时反一次烧至外脆梗熟，点柚子醋，咬下油香渗出味道丰厚，醋可减轻肥腻感，入口即溶的口感。之后到重头戏海鲜，先有日本产帆立贝$88@2只，有牛油黑松露调味，烧完一边在壳上反另一边，好大只鲜甜。出名的缅甸大虎虾$260@两只，超大只，肥美，㓥开睇位置，烧四边，爽口虾肉，点烧汁酱。再烧豚腩肉$80，烧到大部分肥油渗出，肉质脆口。最后再叫海胆炒饭$108，一大旧海胆，先食，鲜甜甘香，饭底有爽口虾仁，珍珠米饭圆粒粒，干身唔黏口。