桐 (已結業)

几时都话深水埗好多美食又平又正，同事发掘咗一间价廉物美性价比高嘅日本餐厅桐，今日就跟佢嚟揾食。门外见到佢嘅午市套餐真系好抵食。午市套餐，包括一份前菜沙律，沙律菜，配以粟米粒同新鲜蕃茄，再混入柚子醋，令人非常开胃。套餐基本包咗面豉汤，或者可以选择以优惠价加配饮品。海桐丼包括有赤虾、三文鱼、油甘鱼、带子同蟹肉。所有刺身用料新鲜，我尤其钟意用佢配有嘅紫菜包住蟹肉同饭一齐食，真系好有日本风味。寿司定食8件分别有三文鱼、油甘鱼、甜虾同帆立贝寿司，再配以两件军舰同两件卷物。寿司定食同时配有乌冬，鲣鱼汤底乌冬配上腐皮豆腐，简单而美味。每份午市套餐都包括两件饺子，朋友教点沙律菜嘅柚子醋，味道真系好夹好好食。