見見面 (已結業)

放工同唔食得辣嘅朋友食晚饭，试试呢间人气川菜。今次食小菜胆粗粗叫小辣，辣度比想像中低👍🏻。孜然牛肉 $88牛肉肉质软腍，每块都铺满孜然，香气浓郁。加埋紫洋葱、芫茜，味道好丰富。一碗香 $78五花腩、鸡蛋加埋青辣椒、红辣椒🌶️炒成一碟惹味湖南小菜。鸡蛋吸收晒甜甜辣辣嘅酱汁同埋豆豉香味，𩠌饭一流。豉椒花蛤 $98花蛤份量好多，而且只只都冇沙。豉椒味道比起平时食到嘅淡少少，反而更食到花蛤嘅鲜味。清炒莴笋 $62清甜美味仲好解辣。红糖糍粑 $38外面炸得香脆，口感烟烟韧韧。黑糖质地较稀，甜度唔高。有黑糖独有嘅香气，但唔会好甜腻。