吉寸 (已結業)

「吉寸」呢个名简单直接，一睇就知系同串烧有关。要向呢个串烧店开到成行成市嘅地方，想突围而出，真系少啲特色都唔得。而呢间串烧店最大嘅卖点就系「平民」同埋「即烧」。今日就一次过点咗9款野食，逐一同大家介绍下。猪颈肉爽口嫩滑，加埋惹味嘅烧汁，味道更上一层楼！五花腩嫩滑多汁，厚度啱啱好，入口即溶，烧汁带少少嘅甜味，调味掌握得好好。本身佢嘅肥腻感应该都几重，但多得京葱向中间隔住，成功发挥到清腻嘅效果，整体感觉好一致～鸡翼调味恰当，表皮金黄香脆，内层嫩滑多汁，已经谂唔到可以挑剔啲咩～茄子比较细条肉少，但调味就几浓郁，仲可以食到茄子淡淡嘅清甜～生虾唔算话好大只，食落几有肉感，最紧要系够新鲜，配埋惹味嘅泰式辣酱，食多几只都唔够喉～呢几块牛舌厚身得嚟，有肉感之余，仲好爽口，而且嫩滑多汁，完全唔会干嚡，真系好少可食到咁高质嘅串烧牛舌～劲大只嘅啡菇，食落肉感好正同埋好水嫩，最紧要系完全无草青味，淡淡嘅菇香加上满满嘅芝士同埋流心蛋，够哂滋味！菠萝经过烧烤之后，果肉变得更加软熟，一大啖咬落去，鲜甜嘅果汁向口腔入面回荡，甜而不漏，最啱就系向食完腻嘅食物之后，清一清味蕾～经过一夜干之后，鱿鱼嘅质感明显地比一般嘅鲜鱿