泰‧雅

营业中

休息中

咁啱同朋友去开奥海城𠮶头，但又唔知食咩好，所以行咗入大食代。入左嚟之后发现呢间泰国嘢都几多人排队，就决定食呢间！泰式烧猪颈肉饭自己食泰国菜一定会首先试佢啲烧猪颈肉，佢个猪颈肉烧得非常之香口同juicy，配埋个酸辣汁真系冇得输。值得一提嘅系佢淋上饭个甜豉油好好食，冇谂过喺food court 都有咁好食既猪颈肉饭！泰式炒河粉（牛肉）呢个都系好surprised，一嚟因为香港好多泰菜餐厅都会整到好似干炒牛河咁嘅味道，但呢度系真系酸酸甜甜咁好开胃，而且好有镬气，牛肉份量都多，二嚟我估唔到嘅系佢系用泰国河粉嚟炒，好烟韧好正，自己去泰国食粉面都钟意食呢只河粉，喺香港比较少见，喺度有真系几惊喜！泰式沙嗲鸡肉串烧（半打）小食我哋就叫咗串烧，烧得香口又够晒味道，同埋佢仲会连埋少少鸡皮咁，唔会话好干好韧。炸虾饼除咗串烧我哋仲要咗个炸虾饼，都炸得好香口，系预期水准嘅好味。❤️❤️