影片
更多
2024-05-18
30 浏览
星期六夜晚喺红磡想揾间小店帮衬下，见到呢间唔算好多人，望落餐牌嘢食几吸引，环境又算干净，所以胆粗粗入去试下，点知几有惊喜㖞！🌟 前菜 免费+随意添加佢𠮶度写住话前菜会成日更新。我哋两个人去食，一嚟就俾左六款我哋试，有泡菜、菠菜、芽菜、莲藕、薯仔丝同矮瓜，样样都好fresh好好食。个人觉得最有惊喜系个莲藕，口感好爽、腌得好好味。薯仔丝系辣嘅，个人比较喜欢唔辣，等个薯仔味出啲。第一次𠮶转唔记得左影相，encore嘅时候佢会问你钟意食边只想再添加多啲，我哋话净系唔要辣果啲，点知佢一畀就畀好多🤣，冇左菠菜但就畀多咗一个炆萝卜，好重牛腩味，都几好味，不过食到尾声就觉得有啲咸。整体黎讲，最推介莲藕、矮瓜、菠菜同芽菜💛🌟 炙热猪肩肉配饭 $118第一啖就好有惊喜！调味好好，非常入味。又香又甜，仲有淡淡的炭烧味，拎嚟送饭一流😋🌟 泡菜煎饼 $58呢个真系不得了！超超超超超级好食！个人本身好中意食泡菜煎饼，而佢呢款就系有啲个人风格嘅，同出边平时食开𠮶啲好唔同。首先佢系偏细个同厚身嘅，唔系一般好大块好薄果啲。个重点系佢表面果层好松脆，系果种啱啱新鲜轻轻煎一煎果只，好薄好薄嘅一层，然后咬落去就系软绵绵嘅，口
🌟 前菜 免费+随意添加
佢𠮶度写住话前菜会成日更新。我哋两个人去食，一嚟就俾左六款我哋试，有泡菜、菠菜、芽菜、莲藕、薯仔丝同矮瓜，样样都好fresh好好食。个人觉得最有惊喜系个莲藕，口感好爽、腌得好好味。薯仔丝系辣嘅，个人比较喜欢唔辣，等个薯仔味出啲。第一次𠮶转唔记得左影相，encore嘅时候佢会问你钟意食边只想再添加多啲，我哋话净系唔要辣果啲，点知佢一畀就畀好多🤣，冇左菠菜但就畀多咗一个炆萝卜，好重牛腩味，都几好味，不过食到尾声就觉得有啲咸。整体黎讲，最推介莲藕、矮瓜、菠菜同芽菜💛
🌟 炙热猪肩肉配饭 $118
第一啖就好有惊喜！调味好好，非常入味。又香又甜，仲有淡淡的炭烧味，拎嚟送饭一流😋
🌟 泡菜煎饼 $58
呢个真系不得了！超超超超超级好食！个人本身好中意食泡菜煎饼，而佢呢款就系有啲个人风格嘅，同出边平时食开𠮶啲好唔同。首先佢系偏细个同厚身嘅，唔系一般好大块好薄果啲。个重点系佢表面果层好松脆，系果种啱啱新鲜轻轻煎一煎果只，好薄好薄嘅一层，然后咬落去就系软绵绵嘅，口感一流👍 另外佢唔算好辣，仲有一片红椒喺中间点缀，夹住食，少少清新juicy，轻轻中和返啲油腻感，非常过瘾，又靓又有新鲜感，好好味😋 同埋佢有块吸油纸喺底，就算食底下果块都唔会好油，而系偏干身嘅，就算一个人食两块都唔觉得好腻。一试难忘，必食推介💯
🌟 杂菜炒粉丝 $58
稳阵之选，不错不错！好欣赏佢𠮶粉丝唔系好油腻，同埋弹牙得嚟唔系好胶好假嘅橡筋感觉，将特别加入左菇，炒得好入味☺️
🌟 蜜桃伯爵冰茶 $38
几大杯，配韩菜食，fresh一fresh，同埋佢有啲果肉粒，饮下食下，几好！
职员有礼，整体用餐体验良好，性价比不错，系一个会食完想再去食嘅餐厅！🥰
张贴
