禮 (天光道) (已結業)

近排发现咗喺土瓜湾呢一间日式隐世小店， 餐厅装修好特别，最喜欢系天花吊住嘅大月亮灯， 好似大大个月球近在咫尺咁。入到餐厅侍应介绍咗佢哋近排最当造嘅生蚝， 兵库县室津生蚝， 立即决定点一盘嚟试下， 生蚝十分肥美， 海水味唔算太重，反而比较creamy， 生蚝超级新鲜，值得一试。另外点咗个刺身盛， 分别有加拿大海胆，深海池鱼，带子，赤虾， 赤身，帆立贝， 不得不赞佢嘅加拿大海胆 ，鲜味浓， 一啲都唔腥，超好食，而且份量亦都好足， 佢所有刺身都好新鲜。松露半熟牛肉他他， 呢个真系水准之作， 和牛煮到半生熟，多汁软嫩，配埋洋葱味道一流。青森青提豚肉卷， 豚肉卷著青森青提外脆内软，青提嘅清爽口感， 伴著油脂重嘅豚肉，令到豚肉唔会太油腻。牛蒡素肉丸串， 牛蒡味重， 喜欢素食嘅朋友可以试下。亚波美手羽先， 鸡翼烤到恰到好处， 皮脆内软。明太子油扬豆腐， 呢个真系好少喺其他地方食到， 豆腐炸到脆卜卜，配埋咸香味重嘅明太子，好似食紧炸多士咁。芝士玉子烧， 玉子卷蛋味重，配埋酱爆芝士 ，味道一流。