Chilli Lime (形點 I)

营业中

休息中

Yoho新开嘅泰国菜店！装修吸引，估唔到咁有惊喜，唔止食泰国菜，都有其他东南亚菜式，会再来嘅餐厅！环境装修几用心，餐厅环境好大，仲有outdoor位置。餐牌 冬荫功大虾汤 $108 食泰国嘢又点少得冬荫功汤？劲足料，酸辣度比例刚好，唔会其中一方抢咗主要嘅味道，入口舒服唔会觉得呛喉，做前菜开胃十分之适合。 免治牛肉斑兰卷 $98 十分特别，好似食过咁多次泰国菜都未见过，用斑兰叶卷着免治牛肉，另外再配有生菜同埋米粉卷俾你包住牛肉食，牛肉应该系连斑兰叶一齐炸过，沾上酱汁再加米粉卷或者生菜食冇咁干身。Dosa $98 我劲钟意食Dosa！对上一次食好似系喺澳洲食，过一间澳洲嘅印度菜系我十分之喜欢嘅餐厅，香港唔系每一间东南亚餐厅都有Dosa食，劲大块！呢度嘅Dosa并非全脆身，主材料为米嘅Dosa食落有米香，就算唔沾酱汁食本身都有香气，配其他食物又得。 泰式酸辣鱼 $218 通常食乌头，今次就食泰式酸辣鱼，配料好多，酱汁浓郁，有加入三色椒粒、香料，唔会太酸，鱼肉都几嫩滑，将鱼肉沾酱汁食，佐饭一流嘅𩠌。