影片
更多
2024-11-06
373 浏览
花胶鸡汤开炉前职员温馨提示汤底一滚先饮汤，之后先慢慢放鸡件煮熟。当个汤一滚即刻试下有几巴闭，哗，一试难忘，斋饮汤都饮左两碗，唔系讲笑。鸡件够嫩，唔会话求求其其比啲 立杂鸡件你就算，都几有诚意。黄金鱼皮，黄金响铃鱼皮非常之脆口，唔会话因为咸蛋黄酱太多太浓味，不过响铃味道就反而唔够出，亦唔算脆口，有种唔知浸汤食好，还是直接食用。牛肩肉，云吞，饺子🥟牛肉快涮几下就已经够，建议直接食用，唔需要点酱都已经好够味，份量亦唔会话到喉唔到肺。云吞有惊喜，估唔到火锅店都可以食到满满虾子嘅云吞，绝对值得叫嚟试。不过饺子虽然有几款口味，但系不过不失，唔算太突出。P.S. 虽然店铺客人唔算好多（2:00pm左右），但得一个职员做晒超多人，辛苦晒🤣
花胶鸡汤
开炉前职员温馨提示汤底一滚先饮汤，之后先慢慢放鸡件煮熟。当个汤一滚即刻试下有几巴闭，哗，一试难忘，斋饮汤都饮左两碗，唔系讲笑。鸡件够嫩，唔会话求求其其比啲 立杂鸡件你就算，都几有诚意。
黄金鱼皮，黄金响铃
鱼皮非常之脆口，唔会话因为咸蛋黄酱太多太浓味，不过响铃味道就反而唔够出，亦唔算脆口，有种唔知浸汤食好，还是直接食用。
牛肩肉，云吞，饺子🥟
牛肉快涮几下就已经够，建议直接食用，唔需要点酱都已经好够味，份量亦唔会话到喉唔到肺。
云吞有惊喜，估唔到火锅店都可以食到满满虾子嘅云吞，绝对值得叫嚟试。不过饺子虽然有几款口味，但系不过不失，唔算太突出。
P.S. 虽然店铺客人唔算好多（2:00pm左右），但得一个职员做晒超多人，辛苦晒🤣
张贴
