影片
更多
2017-06-24
139 浏览
寻晚好想食烧肉！咁就出左尖沙咀，求其上网揾一间，有位就订左先～得返Bar枱都照杀！去到都算满满地，始终星期五，后面卡位又有公司聚餐，所以有即日订都有枱算好彩。店员好细心教我地用IPad点菜，饮品唔包，但加$30任饮(汽水、道地茶系列、有汽利宾立、其中有一款啤酒)任食雀巢杯装乳酪，第一轮会先上刺身船同烧肉并盘，咁一路食一路襟iPad绝对唔会浪费左等嘅时间。上菜可以话系神级快！点完转过头就出现系你隔离。佢份量系填一件黎一件，唔怕好似人地果d一份份，就算黎一份都系三件左右，件件一小片，啱晒想试又怕黎得多又大件嘅人，大食嘅填多几件都会黎足！肉嘅质素虽然算唔上中上，但过得去，起码唔系烧完柴皮同咬唔入。我个人觉得佢腌嘅肉唔错！猪颈肉、壶渍肉、地狱鸡翼、芝麻鸡翼食完都有再encore。亦有海鲜，虾、小扇贝，蚬同小蛏子一小兜两三粒咁，用汤浸住烧，几鲜甜。刺身同寿司都有好多款，推荐佢个黄金虾卷、蟹膏军舰同烧牛肉寿司，刺身就一定要食甜虾！食到咁上下，炸物就都系虾、蚝、鸡软骨味道普通，但最惊喜佢有炸榴梿！我食左一粒！好正！最后都有再叫！其他嘅有小蕃薯、香芋丸、芝士年糕、炸牛奶卷、炸抹茶雪糕泡芙等，炸抹茶雪糕
去到都算满满地，始终星期五，后面卡位又有公司聚餐，所以有即日订都有枱算好彩。店员好细心教我地用IPad点菜，饮品唔包，但加$30任饮(汽水、道地茶系列、有汽利宾立、其中有一款啤酒)任食雀巢杯装乳酪，
第一轮会先上刺身船同烧肉并盘，咁一路食一路襟iPad绝对唔会浪费左等嘅时间。上菜可以话系神级快！点完转过头就出现系你隔离。佢份量系填一件黎一件，唔怕好似人地果d一份份，就算黎一份都系三件左右，件件一小片，啱晒想试又怕黎得多又大件嘅人，大食嘅填多几件都会黎足！
肉嘅质素虽然算唔上中上，但过得去，起码唔系烧完柴皮同咬唔入。我个人觉得佢腌嘅肉唔错！猪颈肉、壶渍肉、地狱鸡翼、芝麻鸡翼食完都有再encore。亦有海鲜，虾、小扇贝，蚬同小蛏子一小兜两三粒咁，用汤浸住烧，几鲜甜。
刺身同寿司都有好多款，推荐佢个黄金虾卷、蟹膏军舰同烧牛肉寿司，刺身就一定要食甜虾！
食到咁上下，炸物就都系虾、蚝、鸡软骨味道普通，但最惊喜佢有炸榴梿！我食左一粒！好正！最后都有再叫！其他嘅有小蕃薯、香芋丸、芝士年糕、炸牛奶卷、炸抹茶雪糕泡芙等，炸抹茶雪糕泡芙坚好食！记得一上即食，因为雪糕系中间仲系冻嫁！炸牛奶卷如果你唔想浪费个胃嘅位，可以唔食......因为系炸面包中间卷左奶糊嘅甜点。
最后最后，我碌碌下个IPad竟然比我见到我的最爱！仲可以自己落手落脚烧！鸡泡鱼干！可惜太饱！只可以几块！埋单送埋最后甜品，近年最爱Mõvenpick雪糕(云尼拿、朱古力、士多啤梨拣一款)。今次依间真系我近依几年食过最满足嘅放题！下次去都会拣返Bar枱，因为后面卡位都几油烟下，同埋卡位虽然系高櫈，但都算好阔落。推荐喔！
张贴
