影片
更多
2016-05-28
747 浏览
本人一向都系爱蟹之人，对蟹可以话系又爱又恨，一方面被蟹肉既鲜甜味美所吸引，另一方面亦为拆蟹肉既艰难而为之却步，冇办法啦，为食又懒惰嘛哈哈。最近系网上见到有杂志介绍一碗极为吸引既蟹黄饭，见到啖啖蟹膏又唔洗自己拆已经令我流晒口水，趁同朋友饭聚我就一于黎试一试！一去到发现原来系位于一条人来人往既街上，而且座位唔多，旁边可以清楚见到师傅烧紧串烧，传黎阵阵香味，名副其实系一间小店，我一坐低即刻叫左吸引我既蟹黄饭同几款烧物同朋友一齐分享。特制激爆蟹黄饭 ($128)一上枱既卖相已经令人食指大动，金黄色既蟹膏满满咁舖系珍珠米上面，香浓味鲜，口感有一点黏黏，但完全唔会有一点腥既感觉，证明材料新鲜。而且饭面上既并非冇诚意既来货蟹柳，而系两条拆好既蟹脚，味道鲜甜，忍唔住令我一口接一口咁食晒d饭，非常满足到我呢个爱蟹之人！唔想太有罪恶感又可以试多d其他食物，不妨好似我咁两人分享一碗。海盐安格斯一口牛($25)牛肉烧得刚刚好，肉质唔会因为过熟而太韧，用海盐黑椒简单调味既好处系可以保留肉既鲜味。汁烧茄子 ($18) 烧过既茄子肉仍然好juicy，加上烧汁十分惹味，两个人share半条实在唔够喉！汁烧鸡中翼串 (
一去到发现原来系位于一条人来人往既街上，而且座位唔多，旁边可以清楚见到师傅烧紧串烧，传黎阵阵香味，名副其实系一间小店，我一坐低即刻叫左吸引我既蟹黄饭同几款烧物同朋友一齐分享。
特制激爆蟹黄饭 ($128)一上枱既卖相已经令人食指大动，金黄色既蟹膏满满咁舖系珍珠米上面，香浓味鲜，口感有一点黏黏，但完全唔会有一点腥既感觉，证明材料新鲜。而且饭面上既并非冇诚意既来货蟹柳，而系两条拆好既蟹脚，味道鲜甜，忍唔住令我一口接一口咁食晒d饭，非常满足到我呢个爱蟹之人！唔想太有罪恶感又可以试多d其他食物，不妨好似我咁两人分享一碗。
海盐安格斯一口牛($25)牛肉烧得刚刚好，肉质唔会因为过熟而太韧，用海盐黑椒简单调味既好处系可以保留肉既鲜味。
汁烧茄子 ($18) 烧过既茄子肉仍然好juicy，加上烧汁十分惹味，两个人share半条实在唔够喉！
汁烧鸡中翼串 ($15)鸡翼一向都系烧烤中最受欢迎既食物，烧过既鸡皮配上鸡肉真系冇得输，不过略为干身了一点。
沙津酱烧免治鸡肉棒 ($22)免治鸡肉既口感嫩滑啖啖肉，但食食下发现有咬口既粒粒，原来系加左鸡软骨，
南瓜雪糕 ($45)首先卖相已经十分吸引，以原只小南瓜装住雪糕，一尝之下，发现雪糕非常重南瓜味，仲有浓郁既椰香味，两者好夹，而雪糕口感亦够香滑，令第一次食南瓜雪糕既我好惊喜！如果能够加入少量南瓜粒增加口感，效果可能更好！
小店虽小，但五脏俱全，而且单看手拆既蟹膏既心思已看诚意十足，值得支持！
张贴
