Poseidon Restaurant & Bar (已結業)

朋友见我就黎生日，所以带我黎食好西，真系好有爱啊🥰🥰 餐厅望落几有feel同几阔落☺️前菜我哋叫咗✨鲟鱼黑鱼子烟三文鱼他他✨望落非常精致，面层满满既鲟鱼黑鱼子铺上金箔，再加上烟三文鱼同红菜头，比想像中好味既配搭。唯一美中不足既就系，有埋面包配搭会更好。主菜拣咗我最爱既海鲜盘，卖相够晒吸引。有生蚝、鸡尾冻虾、翡翠螺、青口同蚬，几新鲜。最惊喜系生蚝，好肥美同鲜甜，一人多一只真系唔够。之后我哋仲叫咗烤脆猪手配薯蓉，呢个既份量都几惊人😂，同埋值得赞既一点系会帮手切好晒再上，岩晒我呢啲懒人。表皮烤到好脆，个入面既肉又唔会话烤得太熟搞到好实，个人几满意呢个猪手。不过薯蓉既奶味相对比较重，少返少少会更好。