臺坊 (加拿分道) (已結業)

厚福街一向多嘢食今次试左对正马路既台式小店😗野食高汁但系价钱贴地不过地方有啲细 想食嘅朋友记得要早啲去排队啦=== === === === === === === ===1️⃣ 🍜香辣牛肉面【$60】牛肉牛筋炆到超腍 肥瘦均匀 一啲渣都冇入口有化开嘅感觉🌸 咬两下就feel到d骨胶黏住牙🦷汤汁食得出有花椒八角 萝卜索哂汤汁 好正🤩食唔到十小辣既都可以一战成碗面超级足料 绝无欺场 值回票价🤣2️⃣🍗盐酥鸡肉燥饭【$60】肉燥饭配4大旧盐酥鸡同半只卤水蛋肉燥既调味唔会死咸 捞饭食真系一流总会有人食盐酥鸡嫌人哋炸到好干唔使惊 因为小店既肉燥铺满成盒饭嘅三分之二即管用啲肉燥同佢冲凉啦😛3️⃣ 🧂椒盐豆腐【跟餐$26 单价$36】6粒炸到靓靓仔仔既豆腐面头轻轻撒咗少少椒盐,甜豉油同埋油葱酥(定好似炸蒜）4️⃣ 🐥香炸鸡翼【跟餐$31 单价$37】表皮酥脆唔厚 紧紧锁住肉汁每啖落去都卜卜脆 热辣辣就算摆到最后食都冇问题 表示很满足😌5️⃣ 🧋珍珠奶茶/小麦胚芽奶茶【跟餐$8 单价$21】系咪傻左 跟餐加$8咁平😂😂仲要d珍珠同胚芽都几重手下不过珍珠奶茶就偏甜少少 下次叫返少甜