群記牛肉圓豬手

营业中

休息中

难得黎到粉岭，一于试下好出名既群记。呢度装修好似八九十年代咁，用红纸毛笔字写上菜式名，同埋系冇冷气嘅。好彩佢𠮶日都唔算好热，佢嘅风扇其实都系几大风。不过炎炎夏日的话，未必系一个好嘅选择。讲返食物先，因为我系一个人黎，叫咗佢最出名嘅牛丸猪手面+可乐。牛丸食得出系自家造，新鲜不过牛味唔算突出；猪手整到好软，唔系好浓味果种，少少调味；汤底都系属于比较清淡𠮶款，所以都忍唔住加少少本身跟埋嘅辣椒油。个辣椒油简直系神来之笔，令到成碗面生色不少，相信过辣椒油都系自家制，平时嘅辣椒油好少会有一种蒜蓉嘅味道，辣椒油亦都可能比出面一般冇咁辣，由于个辣椒油太出色，埋单𠮶阵问佢哋可唔可以买一樽，佢哋用咗个外卖兜毕咗一半俾我（HKD70/半斤）。