爽爽麵店 (已搬遷) 新店位置

山长水远嚟试食，下昼两点三嚟到谂著应该唔多人挂。都好，等3个umber就入座。佢呢度有新鲜鸡同冰鲜鸡拣，咁一场嚟到新鲜啦，都冇指明要咩部份佢一嚟斩双鸡髀比我，底下有d鸡肾垫著。鸡肾好爽口，清脆既声音。再试埋d鸡，一食就久违既味道。新鲜鸡个质感都唔知几耐冇试过，鸡好滑，相当入味。稍稍觉得醉鸡汁咸左d,但配埋米线嚟食平衡番晒。眼见在场有唔少一支公叫例牌鸡再散叫碗米线，咁的确系停唔到口，我得几旧鸡有少少意犹未尽。下次再咁样叫先，我谂如果食冰鲜都应该唔差，下次试下先。