影片
更多
2015-05-31
1718 浏览
想食热嘢，揾咗靓女C作伴试新店。要咗寿喜烧和牛午餐。茶碗蒸有3只颇大虾放面，但啲虾同蛋都冇应有嘅虾或蛋味；前菜有三文鱼子点缀，三文鱼子咸咸地几卜同新鲜，用荷兰豆较少见；玉子面烤得亮丽，但整体好湿，入口感觉似软芝士/湿面包。天麸罗炸浆略厚，而且有啲油，食味普通，但以非专门店计，好难太高要求。寿喜烧用A5鹿儿岛和牛，咬落软绵绵，点日本广岛鸡蛋汁好滑好好味。份量颇多，估计有200克以上，但个酱汁略咸唔够甜，食食下有啲口渴。渍物又系有啲咸，冇酸味等层次；味噌汤有好浓郁虾头味道，但古怪地冇淆汤嘅奶白色。饭系新潟米，用明火煮，但食落太湿冇咗米香，二人或以上送一窝，结果食唔哂打包大半拎走。环境靓、服务好、食材正，惟煮法未够细致，平白浪费了，可惜。我食完之后个鼻严重发胀，个头痛咗日几，星期六睇中医，佢问我食咗乜嘢味精发作仲搞到个胃咁差…
要咗寿喜烧和牛午餐。
茶碗蒸有3只颇大虾放面，但啲虾同蛋都冇应有嘅虾或蛋味；前菜有三文鱼子点缀，三文鱼子咸咸地几卜同新鲜，用荷兰豆较少见；玉子面烤得亮丽，但整体好湿，入口感觉似软芝士/湿面包。
天麸罗炸浆略厚，而且有啲油，食味普通，但以非专门店计，好难太高要求。
寿喜烧用A5鹿儿岛和牛，咬落软绵绵，点日本广岛鸡蛋汁好滑好好味。份量颇多，估计有200克以上，但个酱汁略咸唔够甜，食食下有啲口渴。
渍物又系有啲咸，冇酸味等层次；味噌汤有好浓郁虾头味道，但古怪地冇淆汤嘅奶白色。饭系新潟米，用明火煮，但食落太湿冇咗米香，二人或以上送一窝，结果食唔哂打包大半拎走。
环境靓、服务好、食材正，惟煮法未够细致，平白浪费了，可惜。
我食完之后个鼻严重发胀，个头痛咗日几，星期六睇中医，佢问我食咗乜嘢味精发作仲搞到个胃咁差…
张贴
