海 (已結業)

听闻呢间餐厅omakase唔错，所以订左系度食lunch顺便庆祝同事生日，结果贴钱买难受，太失望...由于餐厅只有十个位，我早左三星期订位包左餐厅，要预先俾晒全数，无得退款。本身订左12点半，我地早左十五分钟到，个侍应一见我地早到就黑面，话座位未准备好，唔俾我地入餐厅，赶番我地十个出去，态度极差。之后我地一肚气准时入番去食饭，佢既食材普通唔算顶级，带子有腥味，而且厨师全程黑面，令人失望...最过份既系，今次系打算庆祝同事生日，我已经于订枱时讲定会庆生，侍应亦确定左会有蜡烛插在甜品上，我唔放心，食饭前再打去提左餐厅两次要准备蜡烛。点知最后黑面厨师竟然话无甜品提供，而侍应亦话无蜡烛！Omakase set本身系包左甜品，如果无得提供应该一早通知我地，我地就可以另外安排，最后真系食到一肚气又受气。俾左万几蚊，换黎咁既体验，真系好嬲！如果你受得住气又顶得顺厨师侍应一齐黑面既话可以黎食，但要预左贴钱买难受。讲真咁既价位系中环有好多选择，唔好难为自己。