影片
更多
2023-10-28
4165 浏览
🥰 老友 “意大利长介” 再搞饭局, 相约同门师兄弟 “村井” 同埋 “一清”. 记得早前 美女食家 推荐 “潮州轩”, 机会嚟嘞, 飞云!🥢 餐厅位于铜锣湾商业大厦2楼, 新派饭店格局, 走中高档路线, 座位舒适, 人手充足, 服务到位, 红白酒杯齐备. 今晚主攻 美女食家 及 OpenRice专家 推介嘅菜式.生腌有膏濑尿虾特色冻马友鱼潮州轩卤水拼盘手功鲜蟹枣潮阳鲜虾枣花雕蒸大红蟹普宁豆酱鸡蛋白杏仁茶🦐 生腌有膏濑尿虾, $480. “长介” 建议嘅, 需要预订, 濑尿虾滑捋捋, 配合蒜椒酸汁, 味道出色! 我好似见唔到 “膏” 㖞, “村井” 认为 "生膏" 不及 "熟膏".🐟 特色冻马友鱼, 六件, $240. 鱼肉甘香, 份量啱啱好, 抵赞!🥰 潮州轩卤水拼盘 (鹅肉, 大肠, 肾, 鹅肝, 卤蛋, 豆腐), $360. 鹅肝, 口感软绵, 咁香入味, 一流. 鹅肉, 够腍, 卤水味道出色. 大肠, 够嗅, 十个赞. 每款四件, 每人一件, 意犹未尽.🦀 手功鲜蟹枣, $200. 真系食到蟹肉, 热辣辣, 弹牙, 不俗!🦐 潮阳鲜虾枣, $160. “虾枣蟹枣” 唔系计划之内
🥢 餐厅位于铜锣湾商业大厦2楼, 新派饭店格局, 走中高档路线, 座位舒适, 人手充足, 服务到位, 红白酒杯齐备. 今晚主攻 美女食家 及 OpenRice专家 推介嘅菜式.
生腌有膏濑尿虾
特色冻马友鱼
潮州轩卤水拼盘
手功鲜蟹枣
潮阳鲜虾枣
花雕蒸大红蟹
普宁豆酱鸡
蛋白杏仁茶
🦐 生腌有膏濑尿虾, $480. “长介” 建议嘅, 需要预订, 濑尿虾滑捋捋, 配合蒜椒酸汁, 味道出色! 我好似见唔到 “膏” 㖞, “村井” 认为 "生膏" 不及 "熟膏".
🐟 特色冻马友鱼, 六件, $240. 鱼肉甘香, 份量啱啱好, 抵赞!
🥰 潮州轩卤水拼盘 (鹅肉, 大肠, 肾, 鹅肝, 卤蛋, 豆腐), $360. 鹅肝, 口感软绵, 咁香入味, 一流. 鹅肉, 够腍, 卤水味道出色. 大肠, 够嗅, 十个赞. 每款四件, 每人一件, 意犹未尽.
🦀 手功鲜蟹枣, $200. 真系食到蟹肉, 热辣辣, 弹牙, 不俗!
🦐 潮阳鲜虾枣, $160. “虾枣蟹枣” 唔系计划之内, “长介” 乱加, 万幸冇采雷, 表现过关.
🦀 花雕蒸大红蟹, $2,496. 美女食家 强烈推介, 需要提前预订, 师兄弟们完全不问价钱! 每両$78, 共$32両. 每人两三件, 啱啱好, 所以真系贵, 哈哈. 蟹肉实净, 花雕浓郁扑鼻, 又平均渗透大红蟹, 拍案叫绝! (后记: 预订 “花雕蛋白蒸蟹”, 但我同 “一清” 都唔觉食到 “蛋白”)
🐥 普宁豆酱鸡, $360. 感觉少似南乳炆鸡, 鸡唔够滑, 错晒, 下次唔拣.
🤗 桂花炒鱼翅, $1,280. 配生菜好食, 但变咗 “生菜包”, 有点浪费炒鱼翅嘅烹功. “长介” 追加又冇睇价钱, 我觉得唔抵食攞.
🍥 蛋白杏仁茶, $48. 杏味平衡, 唔会 “渴挞挞”.
🫘 特色餐前小食, $30. 豆腐干, 半肥瘦猪肉, 出奇地好食.
🥂 “长介” 自带四款酒, 开瓶费每支$200, 冇收足. (1) 清酒衬唔到食物. (2) 法国侏罗区白酒味道似黄酒花雕酒, 只系配合到蒸蟹. (3) 阿根廷白酒 White Bones, 今晚最贵, $800+, 可惜出塲太迟, 半醉了. (4) 红酒出 Gevrey Chambertin, 香气优雅, 配食物有点难搞.
🤗 总结: “潮州轩” 食物出品优质, 惊喜菜式包括 卤水鹅肝大肠, 生腌濑尿虾, 花雕蒸蟹. 略嫌上菜速度太快, 扣分. 老友 “村井” 食过两三次, 赞口不绝, 今次冇点佢推介嘅 干烧翅, 期待下次再访.
张贴
