Big Fernand (已結業)

今日一个中学同学特登由湾仔过黎中环陪我食饭。因为佢时间紧迫，所以约左食另一间，点知去到有劲多人排队，要等30个号码，极度怀疑lunch time完左都唔会排到。于是我地即刻openrice下附近有咩好野，就拣左呢间睇落唔错嘅法式汉堡店。🍔同一般汉堡店一样，都系要先点餐，再揾位。一开始都有啲担心买完之后会无位坐，好彩买完之后刚好有位。长枱嘅座位系一条条长櫈，所以要同其他人一齐坐，会比较挤迫。😣因为唔知边款好食，所以点左同餐厅同名嘅汉堡，谂住应该唔会差得去边。点完可以先返座位等，食物准备好会有人送过黎。👍👍我点左同名汉堡加罐装可乐，而中同就点左同名汉堡套餐，即系汉堡、饮品同薯条🍟。其实套餐系几平，比饮品贵少少，但多一大个薯条，可惜我近排好细食，所以无叫到套餐。个汉堡叫左medium，一咬落口已经爆晒啲肉汁出黎，肉质细嫩，一啲都唔老。个芝士好正。🧀咬一啖之后可以拉到劲长！茄干🍅个味道好出，酸酸地，好开胃，正好可以平衡返牛肉同芝士嘅油腻。😋粗薯条外脆内软。外面啲调味料都好惹味。茄汁可以自己攞，唔惊唔够用。汉堡加饮品份量啱啱好，服务都唔错，有机会会再黎。👍👍