影片
更多
2022-06-08
18 浏览
一入到去餐厅播紧嘅系六七十年代脍炙人口嘅粤语流行曲，虽然我唔属于𠮶个年代，但系个脍炙程度都令我无一不晓，加上餐厅怀旧嘅装修风格，绝对值得𠮶年代嘅朋友嚟怀缅过去。坐低之后侍应哥哥即刻喺你面前用滚水渌吓啲架撑先，疫下卫生好重要。Hoegaarden，口感顺滑，花香清新，打边炉，最紧要系杯啤酒。麻辣云耳，云耳爽身，麻辣味道恰到好处，非常开胃。火焰醉鸡煲，侍应放低鸡煲之后就会进行呢个点火仪式，好有气势，鸡肉滑溜，中辣味道令人陶醉。安格斯牛肉，雪花均匀，入口先系油脂嘅香气，随后牛味缓缓渗出，喺鸡煲嘅酱汁底下得到好好嘅发挥。鸳鸯蚌，用料新鲜，口感爽脆，放入炉内渌一渌就食得。脆炸响铃，即叫即炸，上到枱都仲系热辣辣，散发住淡淡嘅蛋味。啫喱，饭后敬送童年回忆遮仔啫喱，只发生喺茶楼仲系推紧点心车𠮶个年代。怀旧糖不甩，由于我本身唔好糖不甩所以我求求其其影咗张咁嘅相，但系食落先发觉呢度嘅糖不甩颠覆咗我对糖不甩一贯嘅睇法，呢度嘅花生磨到好碎，我好怕坊间好似陨石咁大粒嘅花生，糖不甩烟靭得嚟好弹，系好弹，颠覆咗我一贯擦胶口感嘅过去，再加上甜度啱啱好同无落我害怕嘅椰丝，我绝对会为咗呢度个糖不甩而再次番兜。
一入到去餐厅播紧嘅系六七十年代脍炙人口嘅粤语流行曲，虽然我唔属于𠮶个年代，但系个脍炙程度都令我无一不晓，加上餐厅怀旧嘅装修风格，绝对值得𠮶年代嘅朋友嚟怀缅过去。
坐低之后侍应哥哥即刻喺你面前用滚水渌吓啲架撑先，疫下卫生好重要。
Hoegaarden，口感顺滑，花香清新，打边炉，最紧要系杯啤酒。
麻辣云耳，云耳爽身，麻辣味道恰到好处，非常开胃。
火焰醉鸡煲，侍应放低鸡煲之后就会进行呢个点火仪式，好有气势，鸡肉滑溜，中辣味道令人陶醉。
安格斯牛肉，雪花均匀，入口先系油脂嘅香气，随后牛味缓缓渗出，喺鸡煲嘅酱汁底下得到好好嘅发挥。
鸳鸯蚌，用料新鲜，口感爽脆，放入炉内渌一渌就食得。
脆炸响铃，即叫即炸，上到枱都仲系热辣辣，散发住淡淡嘅蛋味。
啫喱，饭后敬送童年回忆遮仔啫喱，只发生喺茶楼仲系推紧点心车𠮶个年代。
怀旧糖不甩，由于我本身唔好糖不甩所以我求求其其影咗张咁嘅相，但系食落先发觉呢度嘅糖不甩颠覆咗我对糖不甩一贯嘅睇法，呢度嘅花生磨到好碎，我好怕坊间好似陨石咁大粒嘅花生，糖不甩烟靭得嚟好弹，系好弹，颠覆咗我一贯擦胶口感嘅过去，再加上甜度啱啱好同无落我害怕嘅椰丝，我绝对会为咗呢度个糖不甩而再次番兜。
张贴
