浜松水產 (已結業)

见呢间有做龙虾，象拔蚌刺身。去试菜。入门口灯光偏柔和，音乐同人声嘈到讲野都要大声啲。。当时7点松入座。未齐人就研究食乜。咁边等边食。叫咗3只生蚝（唔讲唔为意等咗3个字先上枱）。有个似话到事嘅女人讲如果嗌 龙虾，象拔蚌 系即叫即整会耐啲。咁未齐人就紧系唔叫住啦。话哂都新鲜野。7点半齐人嗌咗个象拔蚌刺身极盛（任你点雕点切，顶多半粒钟。）。个场虽8成满但走下一枱走下一枱，等下又等。8点3。等咗9个字都未有刺身食。已经饿。未刺身点食熟野啊。问个女人。。佢都好语气话 ：［因为即整关系会耐啲］。系嘅，我明。佢下一句擦著火喇：［因为多单，我地得2个师传，你地张单排紧，未处理。］嗌一个刺身等9个字仲要系排紧未处理。系一个乜野概念？到8点25分个女人话抽咗处理我地个刺身先。叫我地可以嗌熟食先。会快啲。我答佢唔会嗌架喇，刺身都可以等咁耐，要煮嘅我更加唔会期望。8点35分 刺身上枱。4个字形容 ［无乜特别］。食完埋单转场。。。后话。刺身师傅？ 我觉得似临时拉夫返黎。我见识少。未见过有师传系会将伴碟嘅草啊丝啊柠檬放系刺身上面 禾秆冚珍珠。亦未见过象拔蚌系件上，唔系片。可能hea 我地赶上枱啦。