LIFETASTIC Patisserie (新城市廣場一期) (已搬遷) 新店位置

原本约咗朋友喺呢间店坐吓，食件蛋糕，饮杯嘢。朋友临时改地㸃，唯有回家前去买两件蛋糕外卖返屋企食，以解心瘾。买咗1件招牌草莓西瓜蛋糕, 另外1件朱古力香蕉蛋糕。 首先食件淡味d嘅招牌草苺西瓜蛋糕，西瓜当然系主角之一， 放置在蛋糕中间， 更用上洛神花加入草莓做成果冻，杏仁饼底，配上玫瑰味忌廉等, 一层一层铺叠起来。 食起来会有西瓜嘅清爽， 果冻嘅Q弹， 忌廉嘅滑，加上杏仁饼底。但对我嗜甜嘅人来讲，味道始终偏淡。 跟住再食朱古力香蕉蛋糕。朱古力海绵蛋糕底，铺上香蕉加朱古力Mousse, 顶层加多层焦糖Mousse ｡朱古力经常会配上香蕉呢种生果，是相当match 嘅配搭。食起来, 朱古力有㸃不足，但质地松软，味道会较西瓜蛋糕甜。呢到部份蛋糕会以麸质, 生铜, 素食为卖点之一。 对一些想吃蛋糕， 但又想食得较为健康嘅人来讲， 会是一个不错嘅选择。