KT’s Factory (已結業)

我个人好喜爱食麻糬，一见到就会买嚟试。呢间店我经过中环街市见到，咁啱有人攞散水饼(我估，因为攞咗都几多件饼！) 所以就埋去排队买。第一次试咗朱古力粒粒麻糬，中规中矩，主要想讲系，之后第二次经过想买其他味道试，平日下午两三点，竟然冇开。然后再过一星期再次响平日两点去到，见到有开，行到埋收银度，姐姐讲紧电话，讲咗几分钟之后，佢见到我仲等紧，就一边讲电话，一边收档！ 我即刻话我系买麻糬，佢竟然挥晒手话：卖晒！我问佢冻柜𥚃面d蛋糕同麻糬唔系卖㗎？佢答我：我依家要走啦！我再话已经等咗你咁耐，我买2件咋㖞！对方先至接我order。成件事我真心呆咗，我行到埋嚟都等咗你一阵，见你讲电话我都冇骚扰你，你明明见到我等你，都可以话收工就收工，咁样做生意点会有客人返转头帮衬?! 仲有平日lunch time都唔开档，系中环最旺嘅时候，要人行几次先至买到，真系几好食都假，何况味道只系中规中矩，冇必要专登去买啰！总括而言，味道不过不失，但服务质素认真麻麻！