牛極 (彌敦道)

营业中

休息中

今日去咗油麻地既牛极食饭。间铺嘅地点都好方便，只系喺地铁站C出口行几分钟就到。一入到去见到有部自助点餐机，原来系要自己喺部机度落单跟住俾钱。之后就可以坐低等啲职员拎餐俾你。咁我哋就叫咗一个200g嘅牛柳同180g嘅牛肩肉。隔离就有一个自助吧枱，𠮶度有饭，有汤，有沙律，仲有酱汁可以自己拎。黎呢间餐厅最有趣嘅系所有牛肉全部都系自己控制佢嘅熟度，自己钟意食几熟就烧几熟。牛柳比较腍，十分嫩滑。而牛肩肉冇咁腍，但系就比较容易切开，咬落去十分有口感。佢哋啲牛肉配埋自己喺吧枱拎𠮶啲蒜蓉加烧汁一流！而我最钟意嘅就系佢哋嘅面豉汤，入面除咗有海带同豆腐，仲有菇。食完饭饮返碗热辣辣嘅汤真系冇得顶！