添好運點心專門店

营业中

休息中

突然间好挂住添好运嘅酥皮焗叉烧包，今日同朋友专登过去食。19:50左右去到，唔使排队，但见入面都坐得几满，呢d就系添好运嘅威力。每样点心都唔算贵，有咁嘅水准，完全感觉物超所值，相信有去过添好运嘅朋友，都会爱上呢间点心专门店。酥皮焗叉烧包 $20见到几乎每张枱都有点呢个叉烧包，就知道佢系必点项目，去亲添好运一定唔可以错过。一碟有3个，外层好松化，叉烧又够味。满足晒味觉嘅享受。晶莹鲜虾饺 $28热辣辣，一睇就知啱啱出炉，相机食完已经急不及待要放入口。虾嘅口感好脆身，虾饺皮又真系整到晶莹剔透，好钟意食虾嘅我，一定要推荐呢个。香煎萝卜糕 $15有3件，唔会煎得太㶶，囗感好soft，配埋辣酱一齐食，特别好味。黄沙猪润肠 $22肠粉够滑，猪润仲keep到有少少爽口，好食。