616牛肉火鍋專門店 (已結業)

因为peak hour冇得book, 而又未咁早肚饿，我地就等到差不多7:30左右先落去排，去到已经有10个8个人等紧，最后排等左7，8个字先入得去。入到去佢俾左张大枱我地，不过啱啱点好野之后佢就同我地讲有细枱卖单，要等一阵，会转我地去细枱。 转枱过程都快，佢仲有问我地要唔要上住野饮俾我地先。 转完枱d野食好快就上齐啦，牛黎讲我觉得澳洲和牛牛颈脊最好食，淋又有油脂又有牛味。 滑龙尾就真系好滑，好似唔驶点咬咁。 响铃，豆卜串，冰豆腐呢d系必叫，响铃系好薄脆既，唔会放得太耐硬晒。 汤底因为唔想食辣，叫左最original既牛骨拼酸菜，牛骨就咁饮好味，d料都好食，牛腩味浓有咬口，但唔靱，但打边炉黎讲呢个就太淡，烚完d野食系冇味，要点酱食。 酸菜就好好多，有d酸辣，烚完可以唔点野食都够味。