RBTea (裝修中)

想当年读书年代，（有闲钱的时候）总喜欢放左学同班闺蜜去仙迹岩/仙踪林饮杯珍珠奶茶⋯⋯不过时移势易，呢2间台式饮品店逐渐被外卖店取代，估唔到多年后仙踪林又翻生，约左班闺蜜出黎，一于就去呢到缅怀一番！以前系会觉得仙迹岩既饮品系出色d，而仙踪林就食物好味d，呢间RBTea都系主打食品，不过就无左台式食物，加左西式既意粉、窝夫。早到果2位话劲肚饿，谂住静静鸡叫左个香肠吐司盒食完我都唔知⋯⋯点知迟到既我黎到个吐司先到，其实都唔系咩吐司盒，都切好左3块厚吐司，中间刮个窿，fill d白汁落去，普通啦，无乜特别，只系3大块厚吐司，够饱肚。我黎到就拣埋d主菜，叫左一款晚餐-香草汁大虾意粉，因为可以跟餐拣茉香珍珠，跟住就散叫左个焗鸭胸饭同野菌薄脆，讲真，个意粉同饭就真系普通野，2个都系淡口味，连焗饭以为有d芝士会香d，都系麻麻地。反而个薄脆就几香口，多料同埋脆口，但要趁热食。杯茉香珍珠就有d失望，唔香茶味同埋拎到埋黎都唔够热，难道系灌彻以前仙踪林既饮品质素？呢到唔赶人，夜晚又唔太多人，所以同朋友可以倾一个晚上，不过店员唔多醒目，饮品落单重复左几次都系落错，有待改进。