影片
更多
2022-09-13
547 浏览
同个朋友想试呢间餐厅好耐咁咁啱𠮶日冇人就入咗去结果先唔好讲啲位置坐得唔舒服个阿姨系完全唔会主动过嚟帮你抹枱好声好气请佢过嚟帮手抹枱 都要等成分几钟服务态度已经唔太好跟住写纸仔去✓自己想食嘅嘢(心心念念嘅汤粗薯)最低消费36蚊 酸辣薯粉系要28蚊起(比喺车仔面仲贵)一个𩠌要九蚊 叫咗两个𩠌朋友叫咗一碗车仔面然后啲嘢食送到嘅时候个阿姨就催我哋去畀钱 荒死我哋会唔卖单咁前文有提到我对碗红粗薯充满咗期待结果一啖食落去之后 其实系河粉啲friend然后个汤底仲要系唔酸唔辣我望住个朋友嘅汤底我 两个互相试咗一下结果 两个系一模一样样！我就唔明喇 点解只系换咗个粉 个起价会相差咁远？但系汤底冇换到都可以叫做酸辣粉嘅？关键系佢成碗野真系一啲都唔好食！个汤底又唔掂 薯粉又唔得 啲食材又唔新鲜食完几日之后特登download个app写返份食评岂有此理！完全唔推荐呢一间嘢相同价钱 其实可以食更加好呢间舖头真系揾笨川味两个𩠌都系四十二蚊 个汤底仲好过佢仲有肥牛！选择多元化啲如果真系想食多啲𩠌嘅话仲可以去葵广辣妹选择多过佢 份量多过佢 汤底好过佢 服务态度质素好过佢关键系头先我讲𠮶两间嘢呢酸辣汤底系真系有酸辣味
咁咁啱𠮶日冇人就入咗去
结果先唔好讲啲位置坐得唔舒服
个阿姨系完全唔会主动过嚟帮你抹枱
好声好气请佢过嚟帮手抹枱 都要等成分几钟
服务态度已经唔太好
跟住写纸仔去✓自己想食嘅嘢(心心念念嘅汤粗薯)
最低消费36蚊 酸辣薯粉系要28蚊起(比喺车仔面仲贵)
一个𩠌要九蚊 叫咗两个𩠌
朋友叫咗一碗车仔面
然后啲嘢食送到嘅时候
个阿姨就催我哋去畀钱 荒死我哋会唔卖单咁
前文有提到
我对碗红粗薯充满咗期待
结果一啖食落去之后 其实系河粉啲friend
然后个汤底仲要系唔酸唔辣
我望住个朋友嘅汤底我 两个互相试咗一下
结果 两个系一模一样样！
我就唔明喇 点解只系换咗个粉 个起价会相差咁远？
但系汤底冇换到都可以叫做酸辣粉嘅？
关键系佢成碗野真系一啲都唔好食！
个汤底又唔掂 薯粉又唔得 啲食材又唔新鲜
食完几日之后特登download个app写返份食评
岂有此理！
完全唔推荐呢一间嘢
相同价钱 其实可以食更加好
呢间舖头真系揾笨
川味两个𩠌都系四十二蚊 个汤底仲好过佢
仲有肥牛！选择多元化啲
如果真系想食多啲𩠌嘅话
仲可以去葵广辣妹
选择多过佢 份量多过佢 汤底好过佢 服务态度质素好过佢
关键系头先我讲𠮶两间嘢呢酸辣汤底系真系有酸辣味
而唔系好似呢间咁得个咸字
呢间舖头简直系一生黑 无论系食物/服务态度/卫生情况都系非常恶劣
就咁 讲完
张贴