Ann MaMa Thai Restaurant

营业中

休息中

好少写食评会唔讲食物，讲环境，我只能说佢食物真系几好食，所以我都重复去咗两三次。但有啲令我却步嘅系佢一直都打开道门，好明显就系想悭返啲冷气钱等自然风入嚟，老实讲秋天我觉得冇问题，但系冬天好冻嘅时候真系搞唔掂，尤其是坐近门口𠮶几张枱，我一路坐嘅时候见到门口𠮶几张枱啲客系咁转位去入少少。其实啲员工都知道啲客觉得冻同大风，都唔肯闩𠮶道门，好心你哋有心做就唔好悭𠮶啲钱，你摆得几张枱近门口，但系𠮶几张枱又冇客肯坐，其实有乜意思？搞到我一路食嘢一路冻到震，问个员工可唔可以闩门，佢又话公司话唔可以。老细唔喺度我都费事为难佢哋。希望老细睇到呢个食评反思一下，间餐厅除咗食物，服务同环境都好紧要。