影片
更多
2007-11-29
20 浏览
听闻Ritz Carlton只系做埋出年一月，而佢个semi-buffet好似几好咁，所以就拣咗Ritz Carlton既The Cafe同细妹庆祝生日。Ritz Carlton既semi-dinner-buffet，头盘同甜品系任食，而主菜就set定咗。头盘有Irish生蚝(细细只，味道唔错，而且大部份都系即开)。西班牙烩饭(有好多海鲜，不过太多鸡肉)，Parma Ham(唔太咸，就算唔加蜜瓜都可以就咁食)，烟三文鱼(质感非常好)，龙虾汤(唔够香/鲜，无咩龙虾味)，沙律(由个chef帮你整，不过个Caesar沙律汁唔系咁够味)，仲有日式茄子，带子等。主菜系软壳蟹，鹅肝并牛柳。个软壳蟹就好普通，细妹认为用黎做手卷会好食d。至于牛柳，好”林”，有肉汁流出黎。鹅肝就细咗d，只有五蚊咁大，不过就好好味，表面煎得香口，而入面就入口即溶。虽然细咗d，但系做得好出色。不过细妹份鹅肝就唔系咁得，非常”so”。有d似烧鹅近pat pat部份个种”so”味。最后佢地换咗件鹅肝比细妹，不过味道都系差少少，无我𠮶件咁好食。最奇怪就系个汁，系甜甜地既鼓油汁，我觉得同个菜唔系咁match。至于甜品，老实讲就真系
Ritz Carlton既semi-dinner-buffet，头盘同甜品系任食，而主菜就set定咗。
头盘有Irish生蚝(细细只，味道唔错，而且大部份都系即开)。西班牙烩饭(有好多海鲜，不过太多鸡肉)，Parma Ham(唔太咸，就算唔加蜜瓜都可以就咁食)，烟三文鱼(质感非常好)，龙虾汤(唔够香/鲜，无咩龙虾味)，沙律(由个chef帮你整，不过个Caesar沙律汁唔系咁够味)，仲有日式茄子，带子等。
主菜系软壳蟹，鹅肝并牛柳。个软壳蟹就好普通，细妹认为用黎做手卷会好食d。至于牛柳，好”林”，有肉汁流出黎。鹅肝就细咗d，只有五蚊咁大，不过就好好味，表面煎得香口，而入面就入口即溶。虽然细咗d，但系做得好出色。不过细妹份鹅肝就唔系咁得，非常”so”。有d似烧鹅近pat pat部份个种”so”味。最后佢地换咗件鹅肝比细妹，不过味道都系差少少，无我𠮶件咁好食。最奇怪就系个汁，系甜甜地既鼓油汁，我觉得同个菜唔系咁match。
至于甜品，老实讲就真系一般或麻麻地。个pancake无cream，所以好干。佢有个甜品，卖相好似雪糕，但d味怪怪地，食落有食冰皮月饼绿豆蓉既感觉，而且系唔会熔。原来真系唔系雪糕而系芒果饭，不过一d芒果味都无。其他cakes，都系大路野，无咩惊喜。至于雪糕，就得sorbet，味道都ok。
寻晚既services我地全部人都非常满意。由于有special offer，所以有一盒Ritz Carlton chocolate，个packing都几靓。另外佢地仲送咗只Ritz Carlton小狮子比我细妹做生日礼物添。我地今次坐楼下，虽然同后面张二人枱好近，但也很坐得很舒服，而且唔使行上行落。
张贴