皇庭匯 (已結業)

劝大家来旺角西富荣花园附近呢间 皇庭汇 饮茶时小心啲！我今日陪我妈饮茶，我妈年纪大傻下傻下又老花，睇唔到我写咗张特价纸，系另一张正价纸点咗同一样嘅“百花酿鱼肚”，我又本住老人家想食咩就由佢叫嘅心态无check佢点咗咩。最后来咗两笼无论份量同外表都一模一样嘅“百花酿鱼肚”。查过单系我妈点嘅，唔退得，唔紧要，我哋两丁友食唔晒大不了打包，鬼叫系我妈自己写。但同样分量嘅点心死都要收多4蚊呢下嘢，唔系俾唔起，系我觉得我有被屈嘅感觉，而且理论时言语之间我个经理系有心要啲客硬食。呢度有好多老人家，好似我妈咁傻下傻下咁中招，就代表其他老人家都有可能中招！出面大部酒楼都有分特价同正价纸，但人哋同一时段同一款嘢都系统一价钱。呢度就同一时段同一款嘢同一份量但两个价钱，系唔系有心欺骗顾客，自己心里有数就好。自从出咗消费劵，好多商店谂尽方法去呃钱。老老实实，就算个客有钱都唔代表可以俾你呃㗎！P.S. 食咗一笼先记得影相，两笼系一模一样的！By the way，烧卖啲虾唔新鲜一阵味！