南記粉麵 (黃埔天地奇妙坊)

营业中

休息中

上个月仲有晚市堂食个阵，心情唔系几好，约左朋友出黎食下野，想食碗粉就去左南记。红磡分店夜晚都几多人，本身谂住坐张吉枱，点知有个阿婶话佢见到张枱先，是但啦，食野啫，最后撘左另一张枱，对方唔知系咪好怕疫情，我地坐低除口罩食野佢就即刻离坐，碗粉同豆浆都未食完…Anyways，自己叫左麻辣担担面春卷菜肉饺米线套餐，饮品就要左可乐。碗粉都几大碗，热辣辣几香，汤底有啲稀又无乜花生味，饮落完全唔似担担面汤底，少少辣都几好味嘅。米线好爽口，春卷同菜肉饺正常味，整体黎讲都叫几好味啦。朋友叫左牛魔王麻酸辣米线配豆浆，有肥牛、牛腩、牛丸等，料就几多啦，但个汤底唔掂，唔麻唔辣净系酸，而且系超酸，酸到一食就咳出黎，食得好辛苦呀…五十蚊左右个人，价钱系几实惠嘅，希望个汤底会改善啦。